Home nasional Alkatiri Konsidera KHUNTO Hanesan Aumenta Numeru iha PN

Alkatiri Konsidera KHUNTO Hanesan Aumenta Numeru iha PN

7336
0
SHARE
PM Mari Alkatiri. Photo: FB Gabinete Primeiro-Ministro

By: Hortencio SANCHES

THETIMOR-NEWS.com, DILI – Sekretariu Jeral Partidu FRETILIN Mari Alkatiri lakoi koalia barak kona ba partidu KHUNTO tanba partidu refere hanesan partidu ne’ebe atu aumenta numeru iha Parlamentu Nasional (PN).

“KHUNTO hau la presiza koalia, hau dehan kedas hau lakoi koalia tanba esperiensia ida ne’ebe hatudu mai hau, kuandu partidu hanesan ne’e mak rua ka tolu iha PN, entaun PN ne’e at ona, uluk mai koalia ho hau ami ne’e  FRETILIN nia oan ami sei la hamonu FRETILIN, hau lakoi koalia KHUNTO iha ne’eba ne’e so halo numeru deit,” dehan Alkatiri iha konsulidasaun Juventude FRETILIN no PD ne’ebe halo iha salaun Deltanova Komoro Dili, Sabadu (16/12/2017).

Lider jerasaun tuan ne’e afirma bainhira atu lori nasaun ne’e ba oin tenke lao hamutuk laos atu uza politiku hodi hatun malu.

Antes ne’e iha eleisaun Parlamentar 2017 rejultadu hatudu FRETILIN mak partidu ida ne’ebe sai hanesan primeiru lugar ho kadeira 23, CNRT 22, PLP 8, PD 7 no KHUNTO 5.

Tanba ne’e, durante fulan hirak nia laran antes atu ba formasaun governu, FRETILIN konsege halo dialogu ho  partidu ne’ebe mak hetan assentu iha PN, nune’e bele hamutuk hodi forma governu.

Durante iha dialogu FRETILIN konsege hetan solusaun ikus ho PD hamutuk hodi forma governu ida ne’ebe minoria ho kadeira 30, tanba partidu tolu seluk CNRT, PLP no KHUNTO hakarak ba opozisaun iha PN maibe opozisaun ida ne’ebe konstrutivu no edukativu.

To ikus buat hotu mosu oin seluk tanba partidu tolu ne’ebe sai hanesan opozisaun hamutuk iha PN hodi forma Bloku Aliansa Maioria Parlamentar (BAMP) hodi rejeita programa ne’ebe aprezenta husi VII Governu konstitusional ne’ebe lidera husi Primeiru Ministru Mari Alkatiri.

Editóra: Agida DOS SANTOS I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here