Home dezenvolvimentu Rede Feto TL Husu Governu Tau Atensaun ba Grupu Produtu Feto Rural

Rede Feto TL Husu Governu Tau Atensaun ba Grupu Produtu Feto Rural

280
0
SHARE
Organizasaun Rede Feto Timor-Leste. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Organizasaun Rede Feto Timor – Leste husu ba governu liu-liu liu-liu ministeriu relevante ne’ebe servisu ba area rural liga ba produsaun agrikolanu ekonomia tenke tau atensaun makas liu iha planeamentu no orsamentu nune’e bele fasilita no suporta grupu produsaun sira iha area rural, liu-liu foalta konsiderasaun ba grupu produtor feto.

“Ministeriu Agrikultura atu fasilita fini no haforsa estensionista hodi nune’e bele fo assistensia adekuadu hodi hasae produsaun grupu sira nian,” deklara Prezidente Rede Feto Timor –  Leste JuditeXimenes liu husi konferensia inmprensa ne’ebe halo iha, salaun Rede Feto Obrigadu barak Caicoli Dili, Sesta (15/12/2017).

Maioria populasaun Timor – Leste hela iha area rural. Populasaun hirak ne’e inklui feto sira ne’ebe okupa 50% hosi total populasaun sira nia moris loro-loron hanesan agrikultor subsistensia.

Estadu Timor – Leste iha planu estratejiku Dezenvolvimentu Nasional (PEDN) fo mos importansia ba setor agrikultura nurtisaun no dezenvolvimentu merkadu iha railaran.

Maski estadu ratifika ona konvensaun CEDAW (Konvensaun kona ba eleminasaun forma diskriminasaun oi-oin hasoru feto) iha tinan 2003 no mos  iha ona mekanizmu nasional sira  seluk  maibe situasaun kontinua la favorese feto rural nia kondisaun.

Realidade hatudu katak, validasaun husi mapeamentu no estudu komparativu hatudu katak, feto rural sira iha rai no forsa vontade iha produsaun no protensialidade atu produs barak liu tan maibe maibe sira fala iha infrastrutura, hanesan be’e mos, Estrada,transporte publiku, falta mos koinesimentu kona ba koinesimentu Sistema agrikultura ne’ebe diak, falta koinesimentu oinsa bele to iha merkadu no falta assistensia teknika agrikultura nian.

Tanba ne’e, sira husu ba governu atu loke no hadia Estrada ba transporte publiku hodi nune’e bele fasilita grupu produtora bele assesu ba merkadu.

Editóra: Agida DOS SANTOS I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here