Home nasional PNTL Kontinua Buka Tuir Kilat Ne’ebe Lakon Iha Krize 2006

PNTL Kontinua Buka Tuir Kilat Ne’ebe Lakon Iha Krize 2006

157
0
SHARE
Komisario Julio Hornay. Photo: Google

By: Fidelio RAMOS

THETIMOR-NEWS.com DILI – Komandante Jeral Polisia Nasional Timor – Leste (PNTL) Komisariu Julio Hornay deklara sira nia parte sei kontinua buka tuir  nafatin kilat  hirak ne’ebe durante ne’e lakon iha krize 2006.

Tanba ne’e, nia husu ba populasaun hotu iha Timor laran tomak karik hetan ou subar hela kilat ruma bele lori ba intrega iha instituisaun rua hanesan PNTL no F-FDTL.

Komisariu ne’e afirma, bainhira komunidade hirak ne’ebe sei rai hela kilat, lakoi intrega bainhira PNTL ou F-FDTL, bainhira parte rua ne’e halo revista  hetan mak sei simu konsikuensia ne’ebe bo’ot.

“Dezde uluk to’o mai agora ita seidauk hetan kona ba kilat hirak ne’ebe lakon nia paraderu nia paraderu ita seidauk hatene los se bele  ami  husu deskulpa ba ema ruma kaer ou tenta bele deskobre-an deit hodi lori mai intrega iha parte segunsa F-FDTL- PNTL,” dehan komisariu Julio ba Jornalista sira hafoin remata sorumutu ho Prezidenti Republika Francisco Guterres Lu-Olo iha Palacio Prezidensial Bairu-Pite Dili, Sexta (15/12/2017).

Tuir informasaun kilat hirak ne’ebe lakon durante ne’e, hamutuk 10 resin.

Antes ne’e Ministru Defeza Seguransa (MDS) Jose Agustino Siqueira Somotxo hato’o ona despaisu ba PNTL hodi fo sai ba publiku liliu komunidade ne’ebe mak hetan husu ho voluntariu bele lori ba intrega hikas  ba polisia nune’e bele tau fali iha  fatin.

Alende ne’eXefe Estadu  Maior Das Forsas Armadas F-FDTL Lere Anan Timur mos hato’o ona ba publiku tenta hetan ema balu kaer  arma hanesan ne’e bele  lori ba intrega iha instituisaun seguransa.

Entertantu iha parte seluk Prezidenti Parlamentu Nasional (PN) Aniceto Longinhos Guterres Lopes preokupa mos hos seguransa PNTL-F-FDTL nian segurasa iha PN bainhira  halo debate Orsamentu Ratifikativu (OR).

“PN Preokupa  seguransa  polisia nian ne’e kestaun politik se dehan ami ladun garantia  seguransa la’e, maibe sira preokupa liu mak  areador CCTV iha PN  mak ladun funsiona ho diak husu atu hadia, ne’ebe hahu husi ohin to’o aban tekik sira sei komesa bok ona nune’e iha diskusaun  bele asegura  liu husi CCTV iha areador, ho instituisaun rua prontu fo apoiu seguransa tan,” dehan komisariu Julio.

Editór: Hortencio SANCHES COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here