Home dezenvolvimentu Governu Garante TL Iha Futuru Agrikultura Mak Sai Baze Ekonomia

Governu Garante TL Iha Futuru Agrikultura Mak Sai Baze Ekonomia

386
0
SHARE
Primeiru Ministru Mari Alkatiri hato hela nia diskursu bainhira partisipa iha konferensia nasional ne'ebe realiza husi organizasaun Rede Feto Timor - Leste, iha ObrigaduBarak Caicoli Dili. Photo:TTN/Hortencio Sanches

By: Hortencio SANCHES

THETIMOR-NEWS.com, DILI – VII Governu Konstitusional liu husi Primeiru Ministru Mari Alkatiri deklara iha future setor agrikultura mak sei sai baze ekonomia Timor – Leste nian laos mina  rai.

“Tinan naruk mai Agrikultura mak sai baze ekonomia ba Timor – Leste laos mina rai mak sai fali baze ekonomia bat emu naruk,” dehan PM Alkatiri iha nia diskursu bainhira loke abertura ba konferensia ne’ebe mak realiza husu Organizasaun Rede Feto Timor – Leste iha edifisio Obrigadu Barak Caicoli Dili, Sexta (15/12/2017).

Tuir Xefe Governu, bainhira agrikultura atu lao ba oin tenke presiza ema hotu servisu hamutuk entre feto no mane.

“Ita hatene katak ita nia sosiedade ne’e, feto mak iha responsabilidade atu halo zestaun bo’ot liu loro-loron nian iha uma, bainhira ita koalia agrikultura, ita tenke liga deit ba feto maibe mane ho feto hamutuk mak servisu bele lao ba oin,” dehan PM Alkatiri.

 Tanba ne’e, lider jerasaun tuan  ne’e kontente bainhira hare grupu sira iha inisiativa hodi halo servisu liu-liu promove agrikultura iha Timor – Leste atu lao ba oin, maibe sei labele atu compete ho nasaun seluk sira maibe promove atu hadia ekonomia rai laran nune’e labele depende ba mina rai.

“Bainhira ita promove diak ona ita nia produtu sira iha agrikultura bele ona haruka mos ba merkadu sira iha rai liur, maibe ita labele atu kompete ho Xina no Thailand  maibeprodutu ne’ebe ita iha tenke iha kualidade ne’ebe mak diak,” dehan ema numeru ida iha governu ne’e.

Bainhira  produtu agrikultura Timor – Leste iha ona kualidade ne’ebe mak diak hodi compete iha merkadu internasional estadu tenke  iha obrigasaun atu apoiu sertifikasaun nune’e produtu Timor – Leste bele mos sai koinesidu.

Editóra: Agida DOS SANTOS I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here