Home dezenvolvimentu AMP Lakoi Aprova OR, Alkatiri fo Obrigadu

AMP Lakoi Aprova OR, Alkatiri fo Obrigadu

1148
0
SHARE
PM Mari Alkatiri. Photo: FB Gabinete Primeiro-Ministro

By: Hortencio SANCHES

THETIMOR-NEWS.com, DILI –  Relasiona ho politiku ne’ebe oras ne’e daudaun lao namans  hela  iha Timor –  Leste liu-liu diferente ideia entre deputadu siraiha uma fukun Parlamentu Nasional (PN) husi deputadu koligasaun no deputadu opozisaun ne’ebe maioria ho kadeira 35 lakoi halo aprovasaun ba Orsamntu Ratfikativu ne’ebe aprezenta husi VII Governu konstitusional.

Tanba ne’e, Primeiru Minstru Mari Alkatiri fo obrigadu ba bankada opozisaun ne’ebe mak lakoi aprova Orsamentu Ratifikativu nune’e bele fo forsa politiku ba nia hodi bele hamenus kustus no despeza, maibe governu sei nafatin selu debe ne’ebe mak governu anterior husik hela.

“Hau fo obrigadu ba opozisaun sira tanba lakoi aprova Orsamentu Ratifikativu no fo mai hau kondisaun diak para hodi simu dezafiu ne’e, maibe hau fiar populasaun Timor – Leste ne’e sei hatene tanba saida mak kondisaun sai tiha nune’e, maibe tusan sira hau sei selu nafatin, maibe ida ne’e laos hau nia tusan, maibe hau sei selu tanba ema sira ne’ebe halo ona servisu ne’e iha direitu para simu sira nia osan,” dehan PM Alkatiri iha salaun Rede Feto Obrigadu Barak Caicoli Dili, Sesta (15/12/2017).

Alende ne’e, Xefe Governu hatete, Timor – Leste buat hotu bele muda ona maibe mentalidade onestu mak sei dauk muda, nune’e ba oin hakarak ka lakoi governu tenke servisu makas hodi muda buat hirak ne’e hotu.

“Agora mentalidade ida onestu ne’e mak seidauk barak, uza osan dehan gasta Juta ida ba gasta fali juta rua ida ne’e mak sei dumina iha ita nia rai, uza osan ne’ebe laos husi kosar be’e, hakarak ka laokoi ida ne’e ita tenke muda sekuandu hakarak ita nia rai ne’e atu lao ba oin, ita la muda ida ne’e, ita sei la ba oin maibe, hau fiar katak povu tomak konkorda atu muda ida ne’e,” dehan PM Alkatiri.

Ema numeru ida iha Governu ne’e esplika, bainhira dezenvolvimentu atu lao ba oin laos deit husi ekonomia maibe teke iha mos dezenvolvimentu sosial.

“Se area social, edukasaun saude no solidaridade la dezenvolve, laiha ekonomia ida mak atu sai sustentavel, ita hare rai sira riku bo’ot iha mundu tomak la kleur krize tanba iha dezenvilvimentu ekonomia mais la dezenvolve social biar siraiha edukasaun,” dehan lider jerasaun tuan ne’e.

Nune’e nia husu ba povu Timor tomak ne’ebe hakarak atu lori nasaun ne’e ba oin, tenke hamutuk hodi haburas ekonomia iha sosiedade tanba ekonomi buras mak bele lori rai ne’e ba oin.

Editóra: Agida DOS SANTOS I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here