Home dezenvolvimentu PM Alkatiri: Governu Sei la Hapra Funsionariu Kontratadu

PM Alkatiri: Governu Sei la Hapra Funsionariu Kontratadu

5627
0
SHARE
Primeiru Ministru Mari Alkatiri. Photo: TTN/Hortencio Sanches

By: Fidelio RAMOS

THETIMOR-NEWS.com, DILI – Governu liu husi Primeiru Ministru Mari Alkatiri deklara, governu sei aumenta tan kontratu ba funsionariu kontratadu sira maski osan iha ou laiha.

“Kona ba kontratu ba funsinariu kontratadu sira agora laos governu halo ameasa, maibe ami sei hare osan iha ka lae bele aumenta tan kontratu ba fulan ida ou tolu ami sei aumenta tan,” dehan PM Alkatiri hafoin remata sorumutu ho Prezidente Republika Francisco Guterres Lu-Olo, iha Palasio Prezidensial Bairu – Pite Dili, Kinta (14/12/2017).

Tanba ne’e, nia husu ba funsionariu kontratadu hotu lalika laran taridu ba situasaun politiku ne’ebe oras ne’e daudaun lao hela, nune’e nia lakoi funsionariu sira atu sai vitima ba drama politiku.

Antes ne’e, Ministru Prezidensia Konsellu Ministro (MPKM) Adriano Nasimentu fo sai ona bainhira Orsamentu Ratifikativu ne’ebe diskuti iha Parlamentu Nasional (PN) la aprova mak sei fo risku ba funsionariu kontratadu sira tanba osan laiha atu selu  sira no bele hapara mos kontratu servisu nian.

Editór: Hortencio SANCHES COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here