Home nasional Alkatiri: Atu Sai Husi Krize Lideransa Mak Eleisaun Atesipada

Alkatiri: Atu Sai Husi Krize Lideransa Mak Eleisaun Atesipada

151
0
SHARE
Primeiru Ministro Mari Alkatiri. Photo: TTN/Hortencio Sanches

By:Fidelio RAMOS

THETIMOR-NEWS.com DILI – Sekretariu Jeral Partidu FRETILIN Mari Alkatiri hanesan mos Primeiro Ministro (PM) VII Governu konstitusional hatete, dalan atu hetan solusaun ba krizi lideransa mak esleisaun antesipada.

Tanba ne’e, kada semana sira nia parte sei halo kontaktu ho Partidu Demokratiku (PD) hodi tun ba iha baze atu hasoru malu ho militante no simpatizante iha Munisipiu sira oinsa bele pepara an bainhira Prezidente Republika (PR) Francisco Guterres  Lu-Olo foti dezisaun ikus krik, ba eleisaun antesipada.

Fim de Semana ami ho PD tun ba iha Munisipiu hasoru ami nia militante no simpatezante partidu iha Munisipiu hotu, tanba ne’e agora ami mos hein desizaun husi prezidenti, maibe tuir hau nia hanoin dalan atu sai husi ida ne’e mak eleisaun antisipada,” dehan Mari Alkatiri ba Jornalista sira hafoin remata sorumutu ho PR Lu-Olo iha Palasio Prezidensial Bairu-Pite Dili, Kinta (14/12/2017).

Alende ne’e nia informa, 18 Dezembru 2017 Parlamentu Nasional (PN) sei halo debate ba Orsamentu Ratifikativu iha.

Maski parte husi AMP daklara agora laos tempu atu  diskute Orsamentu Ratifikativu, maibe tuir nia governu mak sei desidi hodi halo diskusaun ba orsamentu refere.

“Programa hatama liu ona CNRT, hatama ona mosaun rejisaun ida no rua seluk hatama tan mosaun rejisaun ida, agora rejisaun ida deit programa liu ona agora ami sei  aprezenta tan orsamentu 2018 nian,” dehan PM Alkatiri.

Lider jerasaun tuan ne’e haktuir, iha konstituisaun deputadu sira bainhira eleitu tur iha uma fukun  PN atu reprezenta povu no laos atu halo povu sai vitima.

Editór: Hortencio SANCHES COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here