Home dezenvolvimentu Lere Kontinua Husu Lider Politiku Tenke Servi Estadu

Lere Kontinua Husu Lider Politiku Tenke Servi Estadu

132
0
SHARE
Xefi Estadu Maior das forsa armada F-FDTL, Maijor General Lere Anan Timur. Photo: Espesial

By: Fidelio RAMOS

THETIMOR-NEWS.com DILI – Ohin loron ideia Politiku iha Timor – Leste lao diferente tebes entre lider Parlamentu Nasional (PN) hirak ne’ebe dadauk ne’e reprezenta hela povu Timor – Leste hodi servi ba povu no nasaun. Tanba ne’e Xefe Estadu Maior das Forsa Armada, F-FDTL Maijor Jeneral Lere Anan Timur husu nafatin ba lider politiku hotu tenke servi estadu no povu labele servi deit intrese partidu.

Eis Guirilleru ne’e afirma, bainhira Prezidente Republika (PR) Francisco Guterres Lu-Olo foti dezisaun ikus ba politiku ne’ebe lao hela hodi buka solusaun, F-FDTL sei nafatin fo seguransa bainhira mosu konflitus ruma.

“Prezidenti toma kualker desizaun saida deit, mosu eleisaun antisipada ka la mosu  mos iha prezidenti nia liman laran, ami forsa armada  prontu mantein pozisaun hodi fo seguransa nafatin kulaker situsaun atu mosu iha rai ne’e, nune’e mos hau  husu lider politik tenki servi estadu la’os interese deit partidu,” dehan Xefe Estadu Maior Das Forsas Armadas Lere Anan Timur ba Jornalista sira hafoin remata sorumutu ho PR Lu-Olo iha Palacio Prezidensial Bairu-Pite Dili, Kuarta (13/12/2017).

Nia hatutan, situasaun iha rai laran durante ne’e kontinua  la’o  hakmatek maski tensaun politiku sae makas iha uma fukun PN entre depudadu sira no governo.

“Hau fiar problema sei la mosu iha loron natal, maibe problema sei oitoan liliu ita funsionariu sira sei iha problema oitoan tanba Orsamentu Ratifikativu la passa, susar sira hetan osan no sasan folin aumenta sa’e makas ne’e bele  iha problema oitoan,” hatete dehan ema numeru ida iha F-FDTL ne’e.

Alende ne’e informa mos Ro husi nasaun Xina ne’ebe dadauk ne’e para hela tasi Timor sei fo apoiu asistensia mediku gratuita ba forsa armada, no Ro refre sei kontinua fo asistensia gratuita hahu 13 to’o 20 Dezembru Tinan ne’e hafoin fila.

Editór: Hortencio SANCHES COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here