Home nasional Komisaun G Hahu Diskuti Proposta Mekanizmu Automatika Direitu Umanu

Komisaun G Hahu Diskuti Proposta Mekanizmu Automatika Direitu Umanu

419
0
SHARE
Deputada Veneranda Lemos. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Prezidente komisaun G ne’ebe trata assuntu Sidadania Kultura Juventude desportu no Igualdade, Veneranda Lemos informa, oras ne’e daudaun sira nia komisaun hahu aprezenta proposta mekanizmu resposta  automatika diretu umanu nian nune’e bele diskuti.

“Ohin iha komisaun G halo aprezentasaun ida kona ba resposta automatika ba direitu umanu, atu nune’e bele diskute klean liu, atu bele lori ba aprezenta iha plenaria hodi hare, oinsa mak it abele hare ba violasaun sira kona ba direitu umanu,” dehan deputada Veneranda Lemos ba Jornalista sira hafoin remata sorumutu komisaun nian iha edifisiu Parlamentu Nasional, Kuarta (13/12/2017).

Deputada ne’e hatutan, iha legislatura anterior konsege aprova ona proposta refere no lei ba direitu umanu ninian.

Entretantu asuntu ba direitu umanu sei iha area tematika ba komisaun A nian atu hare nia lejislasaun, hodi hare asuntu direitu umanu ne’e komisaun ida ne’ebe los mak atu toma konta.

“Timor – Leste atu ratifika konveinsaun internasional ida ne’e hanesan lei nasional ne’ebe mak nasaun ne’e tenke kumpri, entaun iha mos mekanizmu ami bolu dehan mekanizmu resposta hotu ba direitu umanu ninian oinsa mak ita identifika violasaun ruma kona ba direitu umanu,” dehan deputada ne’e.

Dalabarak ema seidauk hatene los konaba violasaun direitu umanu lolos hodi halo klasaifikasaun ba violasaun refere, ho nune’e komisaun G ne’ebe nia tematiku sidadania kultura no igualdade tenke hare mos assuntu direitu umanu hanesan area tematika ida.

Editóra: Agida DOS SANTOS  COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here