Home dezenvolvimentu Kria Estabilidade Iha TL, Lere Husu Joven no Nai Ulun Hakmatek

Kria Estabilidade Iha TL, Lere Husu Joven no Nai Ulun Hakmatek

1233
0
SHARE
Maijor Jeneral Lere Anan Timur, tur husi klaran, husi liman los komisariu Julio Hornai no sorin karuk komisariu Faustino da Costa. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Xefe Estadu Maior das Forsas Armada, F-FDTL Maijor Jeneral Lere Anan Timur kontinua husu ba nai ulun no Joven hotu iha Timor – Lete tenke hakmatek nune’e povu hotu bele moris iha nia rai rasik ho kontente.

Tanba ne’e, nia husu ba povu hotu, tenke kria maturidade matenek maski nasun Timor – Leste hanesan rai ki’ik ida iha nasaun hotu nia let maibe nivel hanesan ho nasaun bo’ot sira iha mundu.

“Funu durante tinan 24 nia laran ita mesak mak luta, laiha ema ida mak atu azuda, ne’e duni hau apela nafatin ba nai ulun sira katak, bainhira ita nia nasaun mosu konflitu ruma ita rasik mak sei rezolve lalika bolu tan nasaun seluk mak mai rezolve fali ita nia problema,” deklara Lere, liu husi konferensia imprensa ne’ebe mak halo hamutuk ho komandu jeral PNTL iha, kuartel jeral Caicoli Dili, Tersa (12/12/2017).

Alende ne’e, eis Guirilleiru ne’e afirma, tinan ida ne’e Timor – Leste selebra loron bo’ot Natal no Tinan foun  ema hotu sei selebra ho diferente tebes la henesan ho tinan hirak liu tiha ona, relesiona ho situasaun politiku ne’ebe mak oras ne’e daudaun lao konflikadu iha Parlamentu Nasional (PN).

Agora daudaun mundu tomak inklui Timor – Leste atu selebra loron bo’ot Natal no tinan foun, ne’e duni ema numeru ida iha instituisaun F-FDTL ne’e hatete, instituisaun rua hanesan F-FDTL no PNTL lakoi atu mosu konflitu hanesan krize 2006 ne’ebe halo ema barak mak sai vitima.

Tuir lider ne’e, problema bo’ot sira ne’ebe mak liu ona hanesan lisaun ida ba Timoroan hotu atu kria paz no estabilidade nune’e labele hetan tan terus.

Editóra: Agida DOS SANTOS  COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here