Home nasional KHUNTO la Hakfodak Mosu Eleisaun Antesipada

KHUNTO la Hakfodak Mosu Eleisaun Antesipada

2265
0
SHARE
Jose Agostino da Silva, Deputada Bankada KHUNTO no Sekretariu Jeral Partidu KHUNTO. Photo: TTN/Hortencio Sanches

By: Hortencio SANCHES

TEHTIMOR-NEWS.com, DILI – Sekretariu Jeral Partidu KHUNTO Jose Agustinho DaSilva hanesan mos deputadu iha uma fukun Parlamentu Nasional (PN) hatete, bainhira Prezidente Republika (PR) Francisco Guterres Lu-Olo  foti duni dezisaun ba Eleisaun Antesipada sira nia parte pronto no la hakfodak.

Lideransa KHUNTO ne’e, haktuir bainhira mosu Eleisaun Antesipada mak sira nia partidu sei forte liu tan, hanesan agora daudaun hetan kadeira 5 iha PN no sei aumenta tan bainhira hasoru eleisaun refere.

“Se PR nia dezisaun ba iha ne’eba KHUNTO nia pozisaun ne’e preparadu, tanba KHUNTO nia baze ne’e metin tiha ona labele hanoin fali 5 ne’e sai fali 0 ida ne’e lahetan,” dehan deputadu Jose Agustinho ba Jornalista sira iha edifisiu PN, Tersa (12/12/2017).

Tanba ne’e, nia parte fiar katak PR Lu-Olo sei foti dezisaun tuir dalan konstituisaun, tanba PR rasik mai sai hanesan autor ba konstituisaun RDTL.

Nune’e nia fiar katak dezisaun PR nia sei la hamonu povu hotu ba dalan ne’ebe susar, maibe sei lori povu no nasaun sai hakmatek.

Tuir nia bainhira governu ida tun no ida sae ne’e normal naran katak ema hotu tenke moris iha dalan demokrasia no tuir dalan konstituisaun.

Maski dadauk ne’e, publiku barak komesa koalia ona katak povu sei la fo konfiansa tan ba partidu KHUNTO bainhira mosu Eleisaun Antesipada, maibe  lider ne’e optimista katak KHUNTO nia kadeira sei aumentu bainhira hakat ba eleisaun antesipada.

Editóra: Agida DOS SANTOS  COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here