Home nasional Julio Hornay: PNTL Nafatin Mantein Seguransa ho Neutralidade

Julio Hornay: PNTL Nafatin Mantein Seguransa ho Neutralidade

310
0
SHARE
Komisario Julio Hornay. Photo: Google

By: Hortencio SANCHES

THTIMOR-NEWS.com, DILI – Maski oras ne’e daudaun situasaun politiku iha Timor – Leste lao konplikadu, liu-liu diferente politiku iha Parlamentu Nasional (PN), Komandante Jeral Polisia Nasional Timor – Leste (PNTL) Komisariu Julio Hornay deklara PNTL sei nafatin fo seguransa ho neutralidade atu nune’e nasaun ne’e bele moris ho hakmatek.

“Komandu PNTL sei halo servisu ho responsabilidade, neutralidade no imparsialidade labele afilia ba partidu politiku ida maibe tenke mantein nafatin pozisaun nudar komandu hodi hamrik metin iha konstituisaun RDTL nia leten hodi servi povu tomak ho diak,” dehan komisario Julio ba Jornalista sira bainhira halao inkontru konsellu superior hamutuk ho komandante PNTL husi munisipiu 13, iha kuartel jeral PNTL Caicoli Dili, Segunda (11/12/217).

Alende ne’e, nia informa oras ne’e daudaun situasaun jeral iha teritoriu Timor – Leste maski iha problema ki’ikoan sira akontese PNTL sempre halo atendimentu ho diak.

Entretantu, PNTL sei kordena malu ho Forsa Defeza Timor – Leste (F-FDTL) hodi fo seguransa ba iha festa Natal no Tinan foun ne’ebe mak sei akontese iha semana oin mai.

Iha sorumutu konsellu superior ne’e, abertura loke direitamente husi Ministru Defeza no Seguransa (MDS) Jose Agustinho Siquera Somotxo.

Editóra: Agida DOS SANTOS  COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here