Home nasional AMP Halo Akuzasaun Hasoru PPN, Aniceto Hatama Prosesu ba Tribunal

AMP Halo Akuzasaun Hasoru PPN, Aniceto Hatama Prosesu ba Tribunal

204
0
SHARE
Prezidente Parlamentu Nasional, Aniceto Guterres.Photo: Google.com

By: Hortencio SANCHES

THETIMOR-NEWS.com, DILI – Prezidente Parlamentu Nasional (PPN) Aniceto Guterres hatama ona prossesu ba Tribunal,  nune’e bele buka justisa hasoru akuzasaun ne’ebe durante ne’e bankada opozisaun ou AMP iha uma fukun Parlamentu Nasional halo hasoru nia no hakarak hatun husi kargu ne’ebe agora daudaun assume hanesan PPN.

“Nudar sidadaun, nune’e mos nudar PPN, hau sei hatan liu husi dalan justisa nian ba akuzasaun hirak ne’e hotu, ohin dader hau hatama ona hau nia prossesu ba iha Tribunal,” Deklara PPN Aniceto Guterres liu husi Konferensia Imprensa ne’ebe halo iha sala konferensia PN, Segunda (11/12/2017).

Ema numeru ida iha PN ne’e esplika, durante ne’e publiku tomak hatene ona katak Opozisaun iha PN halo AMP ho objetivu ne’ebe firme mak hadau ukun husi FRETILIN-PD ne’ebe forma governu minoritariu. Tanba ne’e maka hafoin forma tiha AMP hodi uza dalan oi-oin ka halo maneira hotu hotu atu hamonu VII governu konstitusional hahu kedas halo presaun ba Prezidente Republika Francisco Guterres Lu-Olo, rejeita programa governutenta atu blokeia orsamentu ratifikativu halo moasaun sensura ba governu no seluk tan.

“Hau hatene lolos, katak hau nia  destituisaun ne’e tama tiha ona iha ajenda maioria opozisaun nian hori uluk kedas momentu eleisaun ba PPN nudar parte husi estratejia atu hatun governo,” dehan PPN Aniceto.

 Tuir nia, durante fulan asumi funsaun hanesan PPN nia parte hasoru opozisaun ida ne’ebe abuza liu ninia maioria ina PN, ne’ebe uza dalan hotu-hotu atu atinji sira nia objetivu politiku hamonu  lalais governu, la intrese sa kustu mak nasaun ne’e atu selu iha tempu oin mai. Buat ne’ebe sala sira dehan los no buat ne’ebe los dehan sala. La viola rejimentu dehan viola, sira dehan lae hodi halo tuir deit opozisaun nia intrese.

“Hau halo ona buat hotu ho konsiensia mos, katak hau la viola rejimentu nem kontra pratika normal ka presedente ruma iha PN, muito menus viola konstituisaun hanesan sira alega mai hau publikamente. Hau nia sala ka pekadu mortal, mak tandeit hau pertense ba partidu ida ne’ebe brani atu simu netik dezafiu hodi avansa ho governuminoritariu, atu fo  oportunidade ida atu habo’ot esperiensia demokratiku id aba nasaun ida ne’e,” dehan Aniceto.

Nudar PPN, segunda figura estadu nian,  nia dever atu hare ba Rejimentu PN, pratika normal ka prezidente iha PN no kultura vida institusional estadu, no liu-liu tenke halo mos ponderasaun ba intrese nasional ne’ebe sai kauza ho nia eventuais kustus politiku, social, no ekonomiku ba nasaunbainhira halo dezisaun atu halo azendamentu rekursu administrasaun proposta lei orsamentu ratifikativu no mosaun sensura ba governo.

“Tuir lolos, maioria opozisaun hanesan KHUNTO, PLP no CNRT iha deit razaun uniku atu hatama proposta atu hatun hau. Razaun ne’e maka hakarak halo ajendamentu lalais ba mosaun sensura ba governo, laiha tan razaun seluk,  maibe sira obriga an hodi hatama tan razaun sira seluk atu halo akuzasaun oi-oin mai hau, hodi hatete buat mesak la los no inventa tan,” dehan nia.

Prossesu ne’ebe mak PPN Aniceto hatama ba Tribunal Distrital Dili (TDD) no Tribula Rekursu (TR). Prossesu ne’ebe mak hatam ba TDD hanesan ssidadaun nia hatama prossesu sivil ida kona ba Providensia kautelar ho efeitu suspentivu hasoru AMP nia razaun sira ne’ebe hakarak hatun nia husi kargu PPN.

Objetivu ne’ebe mak hatam ba TR, hodi husu ba TR atu halo fiskalizasaun abstratu kona ba rejimentu PN, artigu 15 kona ba destituisaun.

Antes ne’e, bankada opozisaun deklara sira nia parte hatama karta distituisaun ba PPN Aniceto Guterres nune’e bele troka fali ema seluk hodi lidera PPN tanba sira laiha konfiansa ona ho Prezidente refere.

Editóra: Agida DOS SANTOS  COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here