Home dezenvolvimentu PR Lu-Olo Garante Iha Dalan Hodi Rezolve Problema Politiku

PR Lu-Olo Garante Iha Dalan Hodi Rezolve Problema Politiku

130
0
SHARE
Prezidente Republika Francisco Guterres Lu-Olo. Photo:TTN/Hortencio Sanches

By: Fidelio RAMOS

THETIMOR-NEWS.com, DILI – Hare ba politiku ne’ebe oras  ne’e daudaun lao diferente entre deputadu sira iha uma fukun Parlamentu Nasional (PN) Prezidente Republika (PR) Francisco Guterres Lu-Olo garante dalan iha atu resolve maibe tuir konstituisaun.

Xefe estadu hato’o lia hirak ne’e, bainhira halao sorumutu hamutuk ho reprezentante veteranus Timor- Leste hotu iha salaun Prezidensial, Palasiu Prezidente Bairu Pite Dili, Tersa (06/12/2017).

Tuir ema numeru ida iha Timor – Leste ne’e, bainhira nia atu foti dezisaun ba situasaun politiku agora nia sei kria nafatin dialogu ho sosiedade sira hotu nune’e bele fo hanoin lisuk.

“Ba hau atu informa ba maun-alin  veteranus kuandu hahu husi prinsipiu hau hatete ona tempu ba ita veteranus mak ida ne’e tinan lima mai oin ita sira veteranus ne’e dalaruma sa’e eskada ne’e ba tur iha leten mos sa’e labele ona karik,” dehan ema numeru ida iha Timor Lete ne’e.

Nia haktuir, Hare’e ba kestaun politika ne’ebe mak la’o namanas iha nasaun ne’e, halo ema balun interpreta sala hodi hatete, PR Lu-Olo iha fali kruzamentu nia leten.

Balun interpreta fali hau iha kruzamentu nia leten dehan hau lahatene atu deside ba  karuk ka  ba los, maibe  hau laiha tok  kruzamentu nia leten ida,” dehan Xefe Estadu ne’e.

Tinan lima dadauk ne’e, PR Lu-Olo sai prezidenti para oinsa atu fo liman  no kontribui hodi, bialibiza estadu hodi hakat ba tranzisaun jerasional ho seguru no estabelese rai ne’e ba oin.

“Jerasaun foun hau rekunese imi matenek no louva kapasidade intelektual imi labele haluhan ami sira katuas nia esperensia,” dehan PR Lu-Olo.

Iha fatin hanesan veteranus Atonio Aitahan-Matak hatete, Xefe Estadu  bele hola desizaun tuir deit dalan kontituisaun nune’e hetan solusaun ba kestaun ne’ebe nasaun ne’e infrenta.

“Ami  hanesan fo opiniaun ne’ebe  prezidenti liga deit ba lei tuir kontituisaun hodi hola desizaun ida ho konkreta,” dehan Aitahan-Matak.

Editór: Hortencio SANCHES COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here