Home nasional Rezolve Problema Politiku, CNJTL Husu PR Kria Nafatin Dialogu

Rezolve Problema Politiku, CNJTL Husu PR Kria Nafatin Dialogu

40
0
SHARE
Prezidente Republika Francisco Guterres Lu-Olo. Photo:TTN/Hortencio Sanches

By: Fidelio RAMOS

THETIMOR-NEWS.com DILI, – Prezidenti Conselho Nasional Juventude Timor (CNJTL) Maria Dadi Magno husu Prezidenti Republika (PR) Francisco Guterres Lu-Olo kontinua promove nafatin  dialogu ho lider partidu sira hotu nune’e bele hetan solusaun diak hodi tane as prinsipiu estadu no rezolve problema politiku ne’ebe oras ne’e daudaun lao hela iha Timor – Leste.

“Prezidenti kotinua loke espasu hodi promove dialogu ho lider partidu para oinsa bele hetan lalais solusaun ba tensaun politik ne’ebe sa’e makas iha nasaun ne’e tuir interese grupou no interese partidu,” dehan Maria Dadi iha sorumutu ne’ebe halao ho PR Lu-Olu iha salaun Prezidensial Bairu-Pite Dili, Tersa (05/12/2017).

Inkontru ne’ebe halao, partidsipa husi Juventude Partidu Politiku kopostu husi FRETILIN, CNRT, PLP no PD.

Tuir nia, lider historiku hotu hanesan Kay Rala Xanana Gusmão, Mari Alkatiri, Taur, Matan Ruak, Jose Ramos Horta, no Lere Anan Timur kaer metin valores ukun rasik-an atu nune’e bele tane as estabilidade nasional iha nasaun ne’e.

Iha biban ne’e ulun Juventude ne’e, husu  nafatin PR no lider hotu  atu iha vontade  hodi estabelese negosisaun  entre partidu koligasaun FRETILIN no PD  inklui Aliansa Maioria Parlamentar (AMP) CNRT, PLP no KHUNTO hodi asegura governu dadauk ne’e, ho konsensual bele  garante no responde ba povu nia moris.

Hatan ba hanoin hirak n’e, Xefe Estadu afirma, nia parte sei hola desizaun tuir dalan kontituisaun nune’e bele hetan lalais solusaun ba problema politiku ne’ebe oras ne’e daudaun lao namanas hela iha Timor – Leste.

“Se dehan maioria mak ukun ita iha esperensia ona uluk FRETILIN maioria kualifikada  mos sei monu iha dalan klaran la ukun to’o tinan  lima kompletu, agora to’o ona tempu ba minoria nian maibe ita hare atu monu tan, ne’e mak agora hau sukat hotu buat sira ne’e hodi hola desizaun para ita hamutuk,” dehan Ema numeru ida iha Timor-Leste ne’e.

Editór: Hortencio SANCHES I COPYRIGHT @ THETIMORNEWS 2017

LEAVE A REPLY

Please enter your comment!
Please enter your name here