Home nasional FRETILIN Kontinua Kestiona Opozisaun Asaltu Poder

FRETILIN Kontinua Kestiona Opozisaun Asaltu Poder

93
0
SHARE

By: Hortencio SANCHES

THETIMOR-NEWS.com, DILI – Oras ne’e daudaun politiku iha Parlamentu Nasional (PN) deputadu sira husi bankada governu no opozisaun politiku lao diferente, tanba bankada governu husi FRETILIN Kestiona makas bankada Opozisaun ne’ebe iha ambisaun makas hakarak hadau poder no halo golpe hasoru VII Governu ne’ebe  lidera husi Primeiru Ministru Dr. Mari Alkatiri.

Deputadu Parlamentu Nasional. Photo: TTN/Hortencio Sanches

Bankada FRETILIN iha uma fukun PN lamenta ho deputadu sira husi parte opozisaun ou Aliansa Maioria Parlamentar (AMP) obriga meza PN atu halao plenaria PN hodi diskuti proposta distituisaun ne’ebe aprezenta ho objetivu  hakarak hatun Prezidente PN Aniceto Guterres husi nia kargu.

Adjunto Sekretariu Jeral FRETILIN. Jose Reis. Photo: Google.com

“Assaun ne’ebe partidu opozisaun sira halo iha PN komprova lolos no momos deklarasaun ne’ebe Comite Centrala FRETILIN (CCF) hasai katak opozisaun sira hakarak asaltu poder no halo golpe,” hatete, Adjunto Sekretariu Jeral FRETILIN Jose Reis liu husi Komunikadu Imprensa ne’ebe THETIMOR-NEWS assesu, Tersa (05/12/2017).

Membru PN  husi bankada opozisaun, alegadamente deputada Virgina Maria Ana Belo husi bankada CNRT sae ba meza PN hodi toka sinu konvoka Plenaria.  Tanba ne’e husi parte bankada governu hatete, tuir rejimentu Parlamentu Nasional entidade ida ne’ebe mak iha poder atu konvoka no dirizi plenaria mak Prezidente PN.

Deputada Maria Terezinha husi bankada CNRT. Photo: TTN/Hortencio Sanches

Hatan ba kestaun ne’e, deputada husi bankada CNRT Maria Terezinha Viegas hatete, opozisaun laos atu hadau poder maibe hakarak ijiji ba Prezidente Parlamentu atu konvoka plenaria tanba sira nia rekursu hatama ba meza hahu husi primeiru kedan.

“Parte opozisaun ijiji atu iha plenaria ne’e tanba ami iha rekursu desde inisiu kedas, kekursu ne’ebe mak ba dezisaun  Prezidente nian atu baisa relatoriu ne’e ba komisaun C, rekursu ne’ebe mak ami hato ne’e iha 20 Novembru, rekursu ne’e konaba admisaun ne’ebe mak Prezidente halo ba proposta lei orsamentu ratifikativu atu baixa ba iha komisaun, ami rekuza admisaun ida ne’ebe mak Prezidente baixa ba komisaun ho hanoin ida katak ratifikativu hare ba fatin no tempu la to ona,” dehan deputada Maria ba Jornalista sira iha edifisiu PN ohin.

Nia haktuir, rekursu ne’ebe mak sira nia parte hato’o, Prezidente PN la konsege submete ba votasaun ba sira nia rekursu. Tanba ne’e mak sira nia parte hola desizaun hodi la partisipa iha servisu komisaun liu-liu azendamentu ba orsamentu ratifikativu tanba sira hein rekursu ne’ebe mak hatama.

Editór: Agida DOS SANTOS I COPYRIGHT @ THETIMORNEWS 2017

LEAVE A REPLY

Please enter your comment!
Please enter your name here