Home dezenvolvimentu Atu Hadia Sistema Governasaun, PM Alkatiri Kontinua Hein Xanana

Atu Hadia Sistema Governasaun, PM Alkatiri Kontinua Hein Xanana

1416
0
SHARE
Primeiru Ministru Mari Alkatiri. Photo: TTN/Hortencio Sanches

By: Hortencio SANCHES

THETIMOR-NEWS.com,  DILI – Primeiru Ministro (PM) VII Governu konstitusional Mari Alkatiri hatete, nia parte sei hein nafatin Xefe Negosiador Fronteira Maritima Kay Rala Xanana Gusmao nune’e sira bele tur hamutuk atu bele diskuti hodi hadia Sistema governasaun ne’ebe mak oras ne’e daudaun lao hela.

Tanba ne’e, PM Alkatiri husu ba nia kompadre Xanana Gusmão bainhira fila husi rai liur preiza tur hamutuk hodi hadia povu nia moris no lori nasaun ne’e ba oin.

“Ita presija Komprende malu no hau sei hein nafatin Irmaun Xanana Gusmão bainhira fila atu hare’e lolos no komprende malu,” dehan PM Alkatiri bainhira Visita dahuluk edifisiu ADN Fatuhada Dili, Tersa (05/12/2017).

Ema numeru ida iha governu ne’e deklara, bainhira VII governu ukun nasaun ne’e osan laiha, ne’e duni presiza esforsu an atu nune’e kopera hamutuk hodi resolve problema sira ne’ebé VII Governu infrenta.

Lider jerasaun tuan ne’e, deklara assuntu hirak ne’e tanba agora governu ne’ebe nia lidera sempre hetan presaun makas husi Opoziosaun sira ne’ebe maioria iha Parlamentu Nasional (PN) hodi halo boikota ba servisu PN nian no vota kontra hotu programa no orsamentu ratifikativu ne’ebe mak governu aprezenta.

Xefi Governu ne’e realsa liutan, Presiza kopera malu entidade hotu-hotu, atu labele fo kulpa ba malu maibé ema tenki lao hamutuk, kuandu Kay Rala Xanana Gusmão fila sei hein hodi kopera malu atu lori nasaun no povu ne’e baoin.

Nune’e PM Alkatiri husu ba povu tomak liliu funsionario sira labele laran taridu tanba buat hotu sei tuir nia dalan.

Dadauk ne’e Kay Rala Xanana Gusmao sei halo hela servisu importante iha rai liur hodi luta ba direito no soberania Timor – Leste naian.

Editór: Agida DOS SANTOS I COPYRIGHT @ THETIMORNEWS 2017

LEAVE A REPLY

Please enter your comment!
Please enter your name here