Home dezenvolvimentu Hatama Mosaun Sensura, FRETILIN Konsidera Opozisaun Boikota Aktividade PN

Hatama Mosaun Sensura, FRETILIN Konsidera Opozisaun Boikota Aktividade PN

361
0
SHARE
Deputadu Parlamentu Nasional. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Bankada Opozisaun iha Parlamentu Nasional (PN) hamutuk deputadu 35 kompostu husi partidu 3, CNRT, PLP no KHUNTO durante ne’e hatama ona moasaun sensura ba VII governuno konstitusional, nune’e hatama mos rekursu admisaun proposta orsamentu ratifikativu ba meza PN, alende ne’e, iha sexta semana kotuk hatama mos proposta distituisaun ba Przidente Aniceto Guterres.

Liu husi proposta hirak opozisaun hatama, deputadu husi bankada FRETILIN Maria Angelica Rangel  hatete, bankada opozisaun kria ona krize institusional iha PN no hakarak boikota atividade orgaun soberania nian ida.

Deputada bankada FRETILIN, Maria Angelica Rangel. Photo: TTN/Hortencio Sanches

“Objetivu husi sira nia hatama moasaun sensura, hatama rekursu no hatama mos proposta distituisaun ba Prezidente PN ne’e, dehan momos katak atu asalta poder,” dehan deputada Angelica Rangel ba Jornalista sira iha edifisiu PN, Segunda (04/12/2017).

Nia hatutan, sira nia parte hanesan bankada governu ne’ebe povu tomak hili hodi tur iha PN sei halao nafatin sira nia knar tuir rejimentu ne’ebe mak iha atu nune’e ikus bele lori servisu hirak ne’e ba iha plenaria nune’e bele halo diskusaun.

“Ami sei halao nafatin servisu tuir rejimentu haruka, ami mai nafatin halao nafatin servisu komisaun nune’e ikus mai ami sei lori ba iha plenaria orsamentu ratifikativu nune’e bele halo diskusaun hodi fo venefisiu ba povu, maski ikus mai opozisaun sira rejeita nafatin,” dehan deputada ne’e.

Tuir rejimentu komisaun C iha korum no laiha deliberasaun. Tanba ne’e sira nia parte sei lori direita ba iha plenaria.

“Hau hanoin tuir rejimentu ami iha korum maibe korum deliberasaun mak laiha, signifika laiha korum atu halo aprovasaun ba proposta ne’ebe mak komisaun iha, tanba ne’e ma kami sei lori direita ba iha plenaria tuir  kompetensia prezidente PN nian,” dehan deputada Nina.

Hatan ba kestaun ne’e, deputadu  husi bankada CNRT hanesan mos membru komisaun C ne’ebe trata asuntu finansas publiku Natalino dos Santos hatete, sira nia parte la halo boikota ba iha istituisaun hanesan PN tanba servisu komisaun oras ne’e daudaun  lao hela hanesan baibain.

“Servisu la lao tanba rekursu agora hatama  hela ne’e, servisu lao fali hansa, maibe servisu komisaun nian lao hela fiskalizasaun iha  hela, uluk dehan aimoruk iha sames laiha ami tun ba hare dehan kondisaun iha ne’eba aimoruk iha hela, ne’ebe servisu lao hela so prezidente PN deit mak lakoi kria liders bankada no konvoka plenaria,” dehan deputadu Natalino.

Tuir Opozisaun proposta distituisaun ne’ebe hatama ba Prezidente PN Aniceto Guterres nune’e iha tempu besik bele troka prezidente foun tanba sira la konfia ona prezidente refere.

Editór: Agida DOS SANTOS I COPYRIGHT @ THETIMORNEWS 2017

LEAVE A REPLY

Please enter your comment!
Please enter your name here