Home dezenvolvimentu Funsaun Deputadu PN La Lao, Luis: Deputadu Simu “Gaji Buta”

Funsaun Deputadu PN La Lao, Luis: Deputadu Simu “Gaji Buta”

599
0
SHARE
Deputadu Parlamentu Nasional. Photo TTN/Hortencio Sanches

By: Hortencio SANCHES

THETIMOR-NEWS.com, DILI – Deputadu bankada Partido Democratico (PD), Luis Ribeiro hatete, durante loron hirak ona deputadu sira iha uma fukun Parlamentu Nasional (PN) liu-liu komisaun sira la halo sira nia knar hanesan baibain. Tanba ne’e nia konsidera deputadu sira marka prezensa iha PN hodi asegura deit sira nia salariu bele hatete simu “gaji buta”.

“Funsaun iha PN la lao atu deskute no atu koalia hodi deside no termina situasaun  povu nian signifika katak, ita lakon  ona  papel, tanba ne’e mak ita laiha tan kbit moral hodi temi tan Parlamentu ne’e soberanu, karakter soberanu ne’e lakon ona laos ema seluk mak halo, maibe ita hotu mak kontribui ba karakter ne’e lakon tiha ona liu-liu ami deputadu sira mak oho, ne’e duni sira ne’ebe mak lidera komisaun mak tenke halo esforsu labele prezudika ami hanesan membru atu loro-loron mai atu asegura deit ami nia salariu ne’e labele ida ne’e ami bele dehan ami han gaji buta,” dehan deputadu Luis ba Jornalista sira iha edifisiu PN, Segunda (04/12/2017).

Tanba ne’e, nia husu ba lider PN hotu atu esforsu oinsa hodi rezolve kestaun hirak ne’e atu nune’e membru komisaun sira hotu bele produtivu hodi hetan salariu ne’ebe ho kbit moral.

“Lider komisoes ho lider PN tenke hatene koloka para ami nudar membru sira ne’e tenke produtivu depois ami han sasan sira ne’e mos iha  kbit moral uitoan tanba ami agora ne’e han gaji buta ne’e, ne’e duni imi tenke fo sai ida ne’e ba publiku membru PN sira agora ne’e han gaji buta la halo nia funsaun ho lolos, maibe salariu lao los hela ne’e labele,” dehan deputadu PD ne’e.

Entretantu, reprezentante povu iha uma fukun Timor – Leste ne’e husu ba povu, sosiedade sivil no estudante sira hotu atu ijiji ba PN atu halao funsaun loro-loron ho diak molok han bosu no iha dignidade labele goza iha povu nia terus leten.

Editór: Agida DOS SANTOS I COPYRIGHT @ THETIMORNEWS 2017

LEAVE A REPLY

Please enter your comment!
Please enter your name here