Home nasional FRETILIN Konsidere, Opozisaun Kria Krize Institusional

FRETILIN Konsidere, Opozisaun Kria Krize Institusional

450
0
SHARE

By: Hortencio SANCHES

THETIMOR-NEWS.com, DILI – Relasiona ho politiku  ne’ebe mak oras ne’e daudaun lao namanas hela iha Timor – Leste ne’ebe mosu iha  uma fukun  Parlamentu Nasional (PN) deputadu sira husi parte opozisaun ou Aliansa Maioria Parlamentar (AMP) rejeita total programa no Orsamentu karakter urjente  ne’ebe mak VII governu aprezenta atu hatan ba nesesidade urjenti nasaun no povu nia nesisidade. Tanba ne’e FRETILIN konsidera baknada opozisaun kria krize institusional.

Primeiru Ministru Mari Alkatiri. Photo:TTN/Hortencio Sanches

Sekretariu Jeral FRETILIN no Primeiru Ministru VII Governu Konstitusional Dr. Mari Alkatiri konsidera Opozisaun vota kontra planu no programa ne’ebe aprezenta husi governu tanba hakarak hadau poder no halo golpe ba governu ne’ebe eleitu maioria.

“Sira vota kontra programa governu, programa ne’ebe pro-povu sira vota kontra pedidu atu lori orsamentu ratifikativu ba debate ho urjensia, orsamentu ne’ebe atu kobre despeza ne’ebe nesesariu, sira aprezenta moasaun sira laiha argumentu forti no laiha fundamentu. Buat sira ne’e hotu tanba deit hakarak halo asaltu ba poder, buat sira ne’e hotu deit hakarak halo golpe ba governu ne’ebe eleitu husi maioria,” deklara Dr. Alkatiri liu husi komunikadu imprensa ne’ebe Thetimor-news assesu husi inkontru extraordinariu ne’ebe realiza iha, Comite Central FRETILIN (CCF) Comoro Dili, Sabadu (02/12/2017).

Deputadu sira hit sae kartaun mean no matak hodi vota ba mosaun rejisaun ne’ebe hatam husi bakada opozisaun iha PN, Kinta (19/10/2017). Photo TTN/Hortencio Sanches

Durante ne’e, iha PN deputadu sira husi opozisaun ne’ebe kompostu husi partidu 3, CNRT, PLP no KHUNTO maioria ho kadeira 35, fokus deit atu vota kontra no rejeita sujestaun no proposta sira hotu, nune’e FRETILIN konsidera opozisaun laiha “Bom Sensu” hodi hare’e ba nesesidade urjenti nasaun no povu nian.

Kuadru sira husi FRETILIN diskuti ba aspeitu oi-oin ne’ebe relasiona ho ma-fe husi partidu opozisaun sira iha PN, nune’e kuadru sira CCF nian deklara sira nia parte pronto atu luta ba soberania no beim estar nasaun nian no sira mos prontu atu rezisti ba tentativas golpe no hadau poder.

Adjunto Sekretariu Jeral FRETILIN. Jose Reis. Photo: Google.com

Iha fatin hanesan Adjuntu Sekretariu Jeral FRETILIN Jose Reis hatete, opozisaun laiha komprende no la konstrutivu no laiha bom sensu.

“Opozisaun ida ne’e lakoi kolabora, lakoi kompriende, la konstrutiva no laiha bom sensu. Hare’e ba buat sira ne’e hotu ami FRETILIN hanoin katak, iha ona kondisaun atu Prezidente Republika bele foti dezisaun ho konformidade ho konstituisaun RDTL no situasaun politika iha rai laran,” deklara Adjunto Jose Reis.

Tanba ne’e, CCF hamutuk ho estrutura sira halo inkontru extra ordinariu ida hodi diskute no halo analizasaun ba politiku ne’ebe oras ne’e daudaun Timor – Leste hasoru.

Iha inkontru ne’e partisipa husi estrutura nasiona,l sub-nasional, deputadu bankada FRETILIN, membru governu, responsavel husi organizasaun massa no organizasaun fillada sira hotu.

Antes ne’e, deputadu sira husi parte opozisaun iha uma fukun PN, ne’ebe reprezenta povu Timor – Leste tomak rejeita programa no vota kontra orsamentu ho karakter urjensia ne’ebe aprezenta husi governu, razaun husi deputadu opozisaun sira hodi vota  kontra tanba konsidera programa ne’ebe governu aprezenta la realistiku no sira nia parte mos la koi maioria atu submete baminoria tir dalan konstituisaun.

Rezultadu husi eleisaun Parlamentar 2017 rejulatadu hatudu katak, partidu FRETILIN mak sai hanesan partidu ida ne’ebe mais votadu ho kadeira 23, CNRT 22, PLP 8, PD 7 no KHUNTO 5, bazeia ba rezultadu ikus ne’ebe anunsiu husi Tribunal Rekursu.

Editór: Agida DOS SANTOS I COPYRIGHT @ THETIMORNEWS 2017

LEAVE A REPLY

Please enter your comment!
Please enter your name here