Home dezenvolvimentu Governu Sei Hadia Servisu DNAS

Governu Sei Hadia Servisu DNAS

59
0
SHARE
Ministro Adjunto Primeiru Ministru Jose Reis Inkontru ho Diretor DNAS sira iha, salaun DNAS Caicoli Dili.Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Ministro Adjunto Primeiru Ministro VII Governu Konstitusional RDTL, Jose Reis hatete, ba oin governu seitau atensaun ba servisu Diresaun Nasional Agua no Saneamentu (DNAS) nune’e bele hasae tan kualidade servisu iha instituisaun ne’e.

“Ohin ami inkontruho director sira iha DNAS atu nune’e bele hatene problemasaida mak sira infrenta nune’e lei organika mos sai ona, nune’e bele ajusta estrutura sira iha diresaun ne’e,” dehan Ministro Jose Reis ba Jornalista sira iha edifisiu DNAS Caicoli Dili, Sexta (01/11/2017).

Ministro Jose Reis Inkontru ho Diretor DNAS sira. Photo: TTN/Hortencio Sanches

Nia hatutan, oras ne’e daudaun komunidade barak mak halerik ba be’e mos ne’eduni iha semana oin sira sei tuir hamutuk ho autoridade servisu sira nune’e bele hare ba kestaun hirak ne’e.

“Ami sei tur hamutuk ho ministeriu sira seluk, hanesan Obras publiku, ambiente nune’e bele rezolve situsaun ne’ebe oras ne’e daudaun povu sira infrenta hela,” dehan Jose Reis.

Iha fatin hanesan Diretor Jeral DNAS Grigorio de Araujo hatete, prezensa Ministro Adjunto Primeiru Ministro iha sira nia fatin atu hatene informasaun kona ba oinsa servisu DNAS nian ne’ebe durante ne’e halo atendimentu ba konsumidores sira.

“Ohin Ministro mai iha ne’e atu hatene oinsa servisu Diresaun nian no atu hatene mos oinsa diresaun ne’e nia atendimentu ba konsumedores sira,” dehan Diretor Grigorio.

Editór: Agida DOS SANTOS I COPYRIGHT @ THETIMORNEWS 2017

LEAVE A REPLY

Please enter your comment!
Please enter your name here