Home nasional Duun Matak Arbiru Iha Facebook, Gantry Meilana Lori Keixa ba MP

Duun Matak Arbiru Iha Facebook, Gantry Meilana Lori Keixa ba MP

2986
0
SHARE
Evangelisto Gantry Meilana. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Senti ofendidu no ameasadu ba publikasaun ema irresponsabilidade iha Facebook ne’ebe duun matak arbiru hodi rezultuda ameasa ba vida, Evangelisto Gantry dos Santos Meilana ne’ebe sai vitima ba aktu irresponsabilidade ne’e offisialmente hatama keixa ba Ministeriu Publiku (MP) liu hosi Prokuradoria Munisipiu Dili.

Ba jornalista sira, vitima (Gantry, red.) esplika katak, iha loron 26 to’o 28 Novembru 2017 ema ne’ebe nia la konese halo publikasaun kona ba nia hodi publika komentariu ne’ebe nia konsidera provoka ema atu hamosu aktu violensia ba nia an.

Evangelisto Gantry Meilana. Photo: TTN/Hortencio Sanches

“Hau mai iha ne’e (Prokuradoria Dili, red.) atu hatama keixa ba publikasaun ida kona ba akuzasaun falsu ne’ebe publika iha facebook hodi duun hau mak admin Media CNRT. Sira tau hau nia fotografia no hateten dehan hau provokator. Hosi publikasaun ne’e konsege hamosu komentariu negativu ba hau hodi hanoin buat ne’e los hotu, komentariu balu hau senti perigu teb-tebes ba hau nia vida, tamba ameasa ona oho hau. Tamba ne’e hau lori ema hirak ne’ebe balun hau hetan ona nia identidade no husu ba ministeriu publiku atu prosesa tuir lei ne’ebe vigora iha rai hodi responsabiliza nia hahalok,” dehan Gantry, Kinta (30/11/2017) hafoin hatama keixa.

Gantry esklarese, nudar sidadaun Timor-Leste, sidadaun hot-hotu moris iha lei nia okos, karik iha buat ruma ne’ebe lalos lei fo dalan ba nia sidadaun atu prosesa ba hahalok ne’ebe kontra lei.

“Hau mos esplika ona ba iha hau nia publikasaun Facebook katak buat sira ne’ebe sira publika ne’e bosok no lalos, karik iha prova dehan hau hanesan sira mensiona ka hanoin, entaun bele lori hau ba prosesa ou keixa ba PNTL inklui ba Ministeriu Publiku, nune’e mos hau, tamba publikasaun ne’e bosok no falsu, hau mak hatama keixa fali hodi ministeriu publiku bele halo investigasaun ba publikasaun iha facebook ne’e,” nia dehan.

Ho kazu ne’e, vitima husu atu iha duni investigasaun ba ema irresponsabilidade sira ne’e nune’e bele responsabiliza ba sira nia hahalok.

“Husu mos ba kolega sira atu kuidadu halo publikasaun ne’ebe defama ema satan duun matak ema ne’ebe innosente ba buat ne’ebe nia la hatene hodi hamosu opiniaun publiku katak hanoin buat hirak ne’e los. Karik iha evidensia ruma wainhira akuza ema, diak liu lori keixa ba PNTL ou deretamente ba ministeriu publiku,” nia dehan.

Maski rejeita hateten sai ba ema ne’ebe nia halo keixa ba, Gantry fiar katak ministeriu publiku sei prosesa nia keixa tuir duni lei ne’ebe vigora iha rai ne’e.

Vitima durante ne’e konesidu iha publiku nudar jornalista senior ne’ebe nia publikasaun durante ne’e kontribui ba dezemvolvimentu nasional desde tinan 2000 wainhira servisu nudar jornalista iha STL to’o 2010 no kontinua servisu nudar editor iha Jornal Nacional Diario iha Grupu Media Nasional hahu 2010-2012. Nia mos nudar eis Editor Ezekutivu ba Ajensia Notisioza Timor-Leste – TATOLI wainhira TATOLI moris ho naran ANTIL to’o Maiu 2017.

Alende ne’e Gantry mos nudar news cameraman ba Associated Press Television News (APTN) desde servisu ho ajensia notisioza Estadu Unidos Amerika nian ne’e, inklui fundador ba portal news ida ne’e (thetimor-news.com) ne’ebe hari’i desde tinan 2012.

Editór: Agida DOS SANTOS I COPYRIGHT @ THETIMORNEWS 2017

LEAVE A REPLY

Please enter your comment!
Please enter your name here