Home nasional PM Alkatiri la Autoriza Membru Governu Rezigna An

PM Alkatiri la Autoriza Membru Governu Rezigna An

714
0
SHARE
Primeiru Ministru Mari Alkatiri. Photo: TTN/Hortencio Sanches

By: Hortencio SANCHES

THETIMOR-NEWS.com, SUAI – Relasiona ho deklarasaun Ministru Defesa no Seguransa, Jose Agustinho Somotxo ne’ebe hamosu pro-kontra iha publiku hodi ikus pronto rezigna an hosi nia kargu, Primeiru Ministru (PM) Mari Alkatiri sei la autoriza nia membru governu ida rezigna an.

“Hau sei la autoriza membru governu ida atu rezigna an, hau mak hatama sira, hau mak iha responsabilidade ba sira, saida mak mosu iha deklarasaun sala ne’e normal, tanba laiha konsekuensia at ba rai ida ne’e,” dehan PM Alkatiri ba Jornalista sira hafoin remata serominia komemorasaun 28 Novembru ba dala 42 iha Suai, Munisipiu Covalima, Tersa (28/11/2017).

Antes ne’e Ministro Defeza no Seguransa Agustinho Siquera Somotxo iha nia intervensaun ba jornalista sira bainhira remata komemorasaun 28 Novembru nia sei husik nia knar hanesan Ministro.

Ministro Somotxo hato’o lia hirak ne’e relasiona ho deklarasaun ne’ebe nia halo iha semana hirak liu ba no deputadu opozisaun iha uma fukun Parlamentu Nasional lamenta no husu ministru karik sente servisu ne’ebe nia simu todan bele intrega fali ba ema seluk.

Deklarasaun eis guirilleiru ne’e, deklara hodi halo publiku no deputadu opozisaun sira kestiona bainhira remata sorumutu ho Prezidente Republika Francisco Guterres Lu-Olo iha Palasiu Prezidensial Bairu Pite, Dili semana hirak liu ba.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here