Home edukasaun Lori Moris Diak ba Povu, Tenki Fo Onra ba Loron Independensia

Lori Moris Diak ba Povu, Tenki Fo Onra ba Loron Independensia

83
0
SHARE
Ministru Saude, Dr. Rui Araujo wainhira entrega bandeira ba pessoal hosi grupu isaar bandeira iha seremonia komemorasaun 28 Novembru ne'ebe halao iha edifisiu Autoridade Munisipiu Dili, Tersa (28/11/2017). Photo: DOK Facebook Dr. Rui Araujo

By: Fidelio RAMOS

THETIMORNEWS.com DILI – Komemorasaun loron proklamasaun independensia ba dala 42 sai duni loron istoriku ba Timoroan hotu iha era ukun rasik an tamba ne’e tenki fo onra ba loron independensia nune’e bele lori moris diak ba povu.

Ministru Saude, Dr. Rui Araujo foto hamutuk ho grupu isaar bandeira hafoin remata seremonia komemorasaun 28 Novembru ne’ebe halao iha edifisiu Autoridade Munisipiu Dili, Tersa (28/11/2017). Photo: DOK Facebook Dr. Rui Araujo

“Loron ne’e importante tebes fo hanoin hikas ita nia maluk Timoroan no ita nia RDTL deklara iha 1975 lori tempu naruk tebes durante tinan 24 hodi restaura, maibe iha prosesu nia laran tomak hatudu determinasaun husi ita lider 1975 husi martires no heroi ne’ebe mak lakon ona vida,” dehan Ministru Saúde Rui Maria Araujo iha nia deskursu wainhira sai inspeitor seremonia komemorasaun 28 Novembru iha Edifiisu Autoridade Munisipal Dili, Tersa (28/11/2017).

Nia apela ba Timoroan selebrasaun loron proklamasaun independensia 28 Novembro 1975 ba dala 42 ne’e hanesan dever importante no hodi Timoroan hotu fo onra no prenxe independensia nune’e bele lori moris diak ba povu.

Iha fatin hanesan, Prezidenti Autoridade Munisipal Dili Gaspar da Silva informa, iha seremonia refere gasta orsamentu ho montante US$ 4,500 no US$ 1,500 aloka ba Postu Administrativu rua hanesan Atauro no Metinaro ho razaun aloka osamentu ba Postu refre tanba dok oitoan husi munisipiu.

Ministru Saude, Dr. Rui Araujo (klaran), Ministru Turismu Manuel Vong no Prezidenti Autoridade Dili, Gaspar Soares fo appluse ba partisipante hirak ne’ebe partisipa iha seremonia komemorasaun 28 Novembru ne’ebe halao iha edifisiu Autoridade Munisipiu Dili, Tersa (28/11/2017). Photo: DOK Facebook Dr. Rui Araujo

Nia hatete, hare ba orsamentu litimitadu tebes ne’ebe ladun hetan partisipasaun maximu husi komunidade.

“Hau nia hakarak komunidade mai hotu maibe orsamentu mak ladun sufisienti,” dehan nia.

Nune’e mos Tiago Dos Santos hanesan estudante husi Universidade Nasional Timor-Lorosa’e (UNTL) husi depatementu Komunikasaun Sosial (KS) husu ba jovem hotu tenki hamutuk hodi fo kontribuisaun ba dezenvovimentu.

“Hau hanesan estudante ida hakarak husu ba maluk hotu ne’ebe namkari iha teritoriu laran iha nu’udar jovem mak sai hanesan konstrusaun ba dezenvovimentu, tanba selebrasaun loron ida ne’e hodi hanoin hikas no hasa’e sentidu kondolensia ba ita nia martires no heroi ne’ebe mak lakon sira vida ba determinsaun bo’ot ne’e,” dehan estudante ne’e.

Estudante ho idade tinan 21 ne’e hatutan, apela ba ba komunidade jerasaun foun atu mantein nafatin beila sira nia ain fatin.

Iha fatin hanesan reprezentante juvende hotu Jose Carlos Postu de Jesus hatete, selebrasaun ne’e atu relembra fali eroi nasional sira ne’ebe mak to’o ohin loron Timoroan goza duni independensia.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here