Home dezenvolvimentu PR Lu-Olo: Timor – Leste Labele Depende ba Fos Importasaun

PR Lu-Olo: Timor – Leste Labele Depende ba Fos Importasaun

878
0
SHARE
PR Lu-Olo wainhira hasoru malu ho Komunidade Suai. Photo: TTN/Hortencio Sanches

By: Hortencio SANCHES

THETIMOR-NEWS.com, Covalima – Prezidente Republika (PR) Francisco Guterres Lu-Olo hatete Timor – Leste tenke esforsu an hodi lao ona ba oin nune’e labele depende bebeik ba fos importasaun.

Tamba ne’e, xefe estadu ne’e husu ba governu atu dudu ekonomia rai laran, inklui hadia produsaun rai laran nune’e labele depende demais sasan hosi rai liur nian.

“Governu tenke servisu makas nafatin, hamutuk ho ita atu halo oinsa nune’e bele dudu ita nia ekonomia ba oin atu nasaun ida ne’e bele sai nasaun dezenvolvidu, atu labele depende bebeik ba ema seluk nia fos mutin,” dehan PR Lu – Olo iha nia diskursu wainhira hasoru malu ho komunidade Cova Lima iha salaun Administrasaun Munisipiu Cova Lima, Suai, Segunda (27/11/2017).

PR Lu-Olo kontinua, “Hadia produsaun Timor – Leste nian atu produs rasik governu tenke iha politika ne’ebe mak diak hodi halo moderniza ita nia produtu sira, karik ita la halo politika ne’ebe mak diak Timor – Leste hetan ona nia independensia maibe ekonomia no produsaun depende nafatin ba ema seluk”.

Xefe Estadu ne’e fiar metin katak ho politika ne’ebe mak diak Timor – Leste sei sai husi kiak no mukit bainhira politiku nain no povu sira fo liman ba malu hodi servisu hamutuk.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here