Home dezenvolvimentu Povu Tenke Fiar Nafatin Orgaun Soberania

Povu Tenke Fiar Nafatin Orgaun Soberania

340
0
SHARE
PR Lu-Olo wainhira hasoru malu ho Komunidade Suai. Photo: TTN/Hortencio Sanches

 By: Hortencio SANCHES

THETIMOR-NEWS.com, Covalima – Prezidente Republika (PR) Francisco Guterres Lu-Olo husu ba povu Timor hotu atu fo fiar nafatin ba orgaun soberania 4 ne’ebe mak eziste iha Timor – Leste.

Orgaun ne’ebe mak PR husu atu povu fo fiar nafatin ne’e mak hanesan, Prezidente Republika, Parlamentu Nasional, Governo no Tribunal Rekursu.

“Maski agora politika lao komplikadu, maibe orgaun estadu nian 4 iha Timor – Leste ne’e sei funsiona nafatin hodi lori sai povu hotu sai husi politika ne’ebe agora halo povu sira sai preokupadu,” dehan PR Lu-Olo iha nia diskursu bainhira halo dialogu ho komunidade sira iha salaun Administrasaun Munisipiu Covalima, Suai, Segunda (27/11/2017).

Hatan ba preokupasaun politika ne’ebe mak agora daudaun sai polemika bo’ot iha Timor – Leste, ema numeru ida iha Timor -Leste ne’e esplika, “Governu ida ne’ebe mak agora ne’e PR mak fo duni tomada de posse no haruka forma liu husi rezultadu ne’ebe mak povu fo fiar iha fulan hirak liu ba nomos liu husi rezultadu ne’ebe proklama husi Tribunal Rekursu”.

Eis titular ne’e hatutan, bainhira nia foti dezisaun ba formasaun governu la ses husi konstituisaun RDTL hodi fo tempu ba partidu mais votadu hodi buka dialogu ho partidu hirak ne’ebe mak liu barreira iha Parlamentu Nasional liu husi rezultadu eleisaun.

“Rona tia rezultadu ikus nudar PR fo tempu ba partidu ida ne’ebe manan, maibe la ho maioria hodi forma governu hodi dialogu ho partidu sira hotu ne’ebe mak hakat liu barreira 4% iha eleisaun foin lalais ne’e, atu hotu-hotu bele hamutuk hodi lori ita nia nasaun ne’e ba oin, bainhira fo tempu ba partidu mais votadu konsege halo duni dialogu, partidu mais votadu koalia katak, ami hili dalan tolu, Inkluzaun, koligasaun no Insidensial Parlamentar ho konseitu keta-ketak maibe konseitu ida ne’ebe atu halibur hamutuk atu lao ba oin,” haktuir PR Lu-Olo.

Eis guirillero ne’e haktuir tan, bainhira nia parte rona rezultadu husi partidu mais votadu no partidu sira seluk hatete, iha partidu balun lakoi atu lao hamutuk ba forma governu no hili dalan sai opozisaun ne’ebe konstrutivu atu hametin no hari’i, maibe laos atu sobu ou destroi governu.

Tanba ne’e, nudar PR, nia sei fo sai rezultadu hodi hare’e ba kestaun politiku ne’ebe oras ne’e daudaun lao namanas iha Timor – Leste, maibe sei tuir dalan konstituisaun.

Nune’e nia afirma, opozisaun sira hatama ona mosaun sensura atu hamonu governu ne’ebe agora lidera husi Primeiru Ministru Mari Alkatiri lalais iha tempu badak nia laran, maibe tenke tuir lei no governu ne’ebe atu forma foun tenke tuir mos lei.

Durante ne’e Governu da-hitu ne’ebe forma minoria ho kadeira iha PN 30 hato’o ona programa ba dala uluk la liu ona tanba rezultadu husi partidu opozisaun ne’ebe maioria iha PN ho kadeira 35.

Rezultadu husi eleisaun Parlamentar foin lalais hatudu partidu FRETILIN hetan kadeira 23, CNRT 22, PLP 8, PD 7 no KHUNTO 5.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here