Home nasional Preparasaun Komemorasaun 28 Novembru Covalima Atinje 90%

Preparasaun Komemorasaun 28 Novembru Covalima Atinje 90%

103
0
SHARE
Valentim Ximenes, Ministru Administrasaun Estatal. Photo: FB Ministerio Administracao Estatal

By: Hortencio SANCHES

THETIMOR-NES.com, COVALIMA – Ministro Administrasaun Estatal (MAE) Valentino Ximenes informa, preparasaun ba komemorasaun loron istoriku proklamasaun 28 Novembru Iha Munisipiu Covalima oras ne’e daudaun atinji ona 90%.

“Preparasaun ba komemorasaun loron 28 Novembro ne’ebe tinan ida ne’e halao iha Suai hau bele dehan atinji ona 90%,” dehan Ministru Valentino Ximenes ba Jornalista sira iha Kampo Administrasaun Munisipiu Covalima, Suai, Domingo (26/11/2017.

Orsamentu ne’ebe MAE aloka hodi realiza serimonia ne’e total hamutuk orsamentu dolares amerikanu 400 mil.

Tuir ajenda, komemorasaun ne’e, sei partisipa husi orgaun sobrania estadu 4 hanesan, Prezidente Republika, Parlamentu Nasional, Governo no Tribunal.

“Konvidadu ne’ebe mak sei partisipa iha komemorasaun ne’e uluk liu mak ita nia orgaun soberania estadu 4, konvidadu husi rai liur hamutuk nasaun 7 mak sei partisipa sira nia reprezentante,” dehan nia.

Nasaun estrangeiru ne’ebe atu partisipa mak hanesan, Ejiptu, Kuwait, Singapura, Malasia, Indonezia, Australia, Portugal no Nova Zelandia.

Iha fatin hanesan Komandante PNTL Munisipiu Covalima, Superintendente Eugenio Pereira hatete, parte seguransa ba selebrasaun ne’e lao kontroladu.

“Situasaun jeral iha munisipiu ida ne’e lao kontroladu hanesan ita hotu hare PNTL kopera diak tebes ho F-FDTL hodi fo seguransa ba ita nia komemorasaun loron istoriku ida ne’e,” dehan Komandante Eugenio.

Oras ne’e daudaun, total husi PNTL no F-FDTL ne’ebe fo seguransa ba preparasaun komemorasaun loron istoriku ne’e hamutuk 500 resin.

Entretantu, iha fatin ne’ebe atu halo komemorasaun iha mos expo ne’ebe loke husi MAE hahu iha 24 Novembro to 27 Novembru 2017.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here