Home nasional Mehi ba Ukun An Laos Fasil

Mehi ba Ukun An Laos Fasil

411
0
SHARE
Jose Ramos Horta. Photo: Google.com

By: Hortencio SANCHES

THETIMOR-NEWS.com, DILI – Ohin loron Timor – Leste sente duni liberdade no independensia husi kolonial portugues no okupasaun Indonezia durante tinan naruk nia laran. Maibe antes atu nasaun ne’e hamrik hanesan soberania ida iha mundu tomak nia let povu Timor – Leste barak mak lakon sira nia vida.

Eis Prezidente RDTL 2007-2012 Jose Ramos Horta hanesan mos lideransa Fundador ba nasaun Timor – Leste iha tinan 1974-1975 hatete, sira nia mehi ba ukun rasik an laos iha 74 no 75 maibe antes ne’e sira nia mehi hakarak ona Timor – Leste tenke sai husi kolonial Portuguesa.

“Agora ita komemora loron Proklamasaun ba independensia Timor – Leste nian 28 de Novembru, iha momentu ne’eba, tempu portugues nian komesa  mehi ba ukun rasik an, laos deit 25 Abril 1974 akontese iha Portugal, uluk Xavier Amaral, Nicolau Lobato, Mari Alkatiri ami Joven barabarak esperiensia laiha liu maibe ami mehi ba ida ne’e ukun rasik an,” dehanPremiadu Nobel da Paz ne’e ba Jornalista sira iha edifisiu Palasio Governu, Kinta (23/11/2017).

Lider istoriku ne’e haktuir, iha momentu ne’eba bainhira sira luta no mehi ba libertasaun Timor – Leste nian hodi hamrik hanesan nasaun, ema barak mak la fo apoiu no hatete imposibel sira nia mehi bele sai realidade.

Maibe liafuan husi ema seluk ne’ebe hatete, Timor – Leste susar atu hetan ukun rasik an, hanesan liafuan ida ne’ebe soke tebes lider hirak ne’e nia laran hodi esforsu an makas nune’e bele buka dalan ba Timor – Leste loron ida tenke hetan duni ukun rasik an.

Nia hatutan, bainhira Timor – Leste hahu luta ba independensia iha fatin rua hanesan luta armada no luta externa hafoin  ne’e luta ne’e komesa naruk mosu tan luta barak liu husi grupu sira hanesan RENITIL no grupu sira  seluk tan iha rai liur Indonezia, klandestina halo iha Vila laran Frente Armada halo iha ai-laran frente diplomasia halao iha rai liur to ikus solusaun ba Timor – Leste iha duni hakat ba ukun rasik an.

Maibe loron 28 Novembru sai hanesan ona loron istoriku ba povu Timor – Leste, tanba husi loron ne’e mak Timor – Leste deklara sai hanesan nasaun soberania ida, maibe loron hirak nia laran deit Indonezia okupa ilegalmente hodi sobu rahun liberdade ida ne’ebe mak Timoroan sira proklama liu husi Prezidente Francisco Xavier do Amaral.

Ediór: Evangelisto SANTOS COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here