Home nasional Julio Hornai: La Mete Kestaun Politik, Mosu Problema Polisia Sei Atua

Julio Hornai: La Mete Kestaun Politik, Mosu Problema Polisia Sei Atua

5649
0
SHARE
Komisario Julio Hornay. Photo: Google

 By: Fidelio RAMOS

THETIMOR-NEWS.com, DILI – Komandu PNTL Komisariu Julio da Costa Hornai  hatete polisia  la mete kestaun politik ne’ebe mak oras ne’e la’o namanas hela iha rai laran, maibe hakarak asegura deit  paz no estbilidade.

Komisariu ne’e esplika, politik ne’ebe mak oras ne’e nasaun Timor-Leste infrenta husik ba lider bo’ot sira mak hatene hodi rezolve, maibe polisia nia misaun atu hare’e liu ba  kualker situsaun saida mak mosu iha teritoriu polisia sei kordena malu ho militar hodi halo atuasaun.

“Ami polisia nia misaun ne’e  klaru iha kontituisaun no iha lei organika PNTL nian, tanba ne’e ami mantein no firmeza ba ami nia misaun prontu atu asegura estabilidade iha rai laran bainhira mosu problema,” dehan Komisariu Julio ba Jornalista sira hafoin remata sorumutu ho Prezidenti Republika Francisco guterres Lu-Olo iha Palsiu Prezidensial Bairu-pite Dili, Kuarta (23/1/2017).

Tuir nia agora kontinua halo nafatin misaun hodi halo prevesaun la’o ho ain no kareta nune’e bele  sosializasaun lalais informasaun liu husi  OPS  to’o iha Munisipiu hotu atu nune’e bele fahe informasaun detailu ba populasaun ne’ebe mak namkari iha teritoriu.

“Imi lalika senti tauk ho situasaun ne’ebe tanba PNTL ho F-FDTL  sempre kopera ba malu,” hatete nia.

 Iha parte seluk Publiku  barak kontinua preokupa ho argidu nain rua ne’ebe halai ba Australia, tanba ne’e komisariu ne’e dehan, agora la’os ona polisia nia servisu hodi lori hikas mai timor, ne’e prosedementu legais no nasionais no internasionais nian, ne’e liga fali ba nasaun rua mak atu hare’e kona ba kestaun ne’e.

“ Nia halai ba Australia ne’e liga fali ba nasaun  rua ne’e mak hare ona, ne’ebe lalika dehan polisia mak lori  fali mai  ne’e presiza ba estuda lei didiak lai,”tenik ema numeru ida iha PNTL ne’e,” nia dehan.

Ediór: Evangelisto SANTOS COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here