Home nasional Governu Seidauk Simu Mosaun Sensura Husi PPN

Governu Seidauk Simu Mosaun Sensura Husi PPN

169
0
SHARE
Primeiru Ministru Mari Alkatiri. Photo:TTN/Hortencio Sanches

By: Fidelio RAMOS

THETIMOR-NEWS.com DILI – Governu liu husi Primeiru Ministru (PM) Mari Alkatiri to’o ohin seidauk simu mosaun sensura husi Prezidenti Parlamentu Nasional (PPN).

“Hau seidauk simu mosaun sensura maibe sei tuir rejimentu  hodi hatene lolos  nia  tempu hafoin hakat ba PN,” dehan Alkatiri ba Jornalista sira hafoin remata sorumutu ho Prezidenti Republika (PR) Francisco Guterres Lu-Olo iha Palasiu Prezidensial Bairu-Pite Dili Kinta (23/11/2017).

Xefe Governu ne’e dehan, Situasaun politika la’o diak no laiha insedenti bo’ot ka ki’ik mak mosu, maibe ekonomia mak la dun diak iha redusaun entermus dinamika halo ema barak mak osan laiha tanba bankada husi  opozisaun mak la dun kopera ba malu tanba opozisaun lahatene hanoin povu, maibe sira hakarak  uza deit  35 votus hodi buka hadau poder.

Tuir Alkatiri, lolos tenki iha setidu estadu hodi hare’e  preokupasaun povu nia moris, maibe opozisaun sira seidauk vota kontra Orsamentu Retivikativu, maibe sira lakoi urjensia ne’e mak PPN agora baixa ona ba prosesu normal hodi liu husi komisaun uluk.

“Komisaun sira bar-barak  ne’e FRETILIN nia ema ida deit  restu opozisaun nian hotu se opozisaun mak komanda la funsiona hotu lahatene komanda husi sala laran ka husi liur mak ita lahatene los, ne’e signifika laiha koperasaun instituional iha PN no ne’e opozisaun hahu kria krizi instituisional rai ne’e sei la la’o ba oin,” dehan PM Alkatiri.

Xefe governu ne’e hatutan, sira iha kontradisaun bo’ot ba  programa, tanba seidauk aprovadu hodi  aprezenta kedas mosaun sensura tanba dehan governu la ezekuta programa ho diak, maibe Programa ne’e komprimisiu governu nian hodi halo planu anual hafoin tama ba Orsamentu Jeral Estadu (OJE), maibe parte opozisaun la presiza  halo aprovasaun tanba  programa rejeitadu ona.

“Agora hau ba tur iha ne’eba dehan hau sui fuk iha sira nia oin, sira la gosta tanba ho razaun sira nian aprezenta ne’e naran-naran deit,” tenik nia.

Kestaun politik ne’e to’o ohin loron halo populasaun sai preokupasaun bo’ot atu buka dalan ba hetan nia solusaun presiza lider balun ne’ebe la’o hela iha rai liur mai tur hamutuk hodi koalia no fo liman malu hodi rezolve lalais.

“Ita hotu independente ona iha prezidenti Governu iha PN, TR maibe komandu da luta ba fali rai liur ne’e laiha lojika halo hau nia laran susar los ne’ebe hau kontinua hein ho mediasaun PR nian para kolia hamutuk,” hatete PM Alkatiri.

Ediór: Evangelisto SANTOS COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here