Home internasional MS Aprova L4 Transfere ba Singapura

MS Aprova L4 Transfere ba Singapura

211
0
SHARE
Sekretariu Estadu Asuntu Veteranus, Andre Belo Alias L4. Photo: Facebook/Andre Belo

  • Moras L4 Konfidensial

By: Hortencio SANCHES

THETIMOR-NEWS.com,  DILI – Hafoin hetan tratamentu saude iha Ospital Nasional Guido Valadares (ONGV), Sekretariu Estadu Assuntu Veteranu Andre Belo alias L4 hetan ona aprovasaun hosi Ministeriu Saude (MS) hodi transfere ba Singapura nune’e bele hetan tratamentu ne’ebe diak.

Primeiru Ministru Mari Alkatiri, Photo: TTN/Hortencio Sanches

Primeiru Ministru (PM) Mari Alkatiri hatete, oras ne’e daudauk MS prepara ona billete ba L4 nune’e nia bele desloka sai ona ba Singapura hodi halo tratamentu.

“Hau mai vizita L4 ne’ebe mak moras, ne’e duni hau simu informasaun husi Ministeriu Saude katak nia billete prontu ona entaun nia tenke ba duni halo tratamentu iha rai liur, kuandu billete hotu ona nia bele aranka agora ou orsida,” dehan PM Alkatiri ba Jornalista sira iha Ospital Nasional Guidu Valadares Dili, Kuarta (22/11/2017).

Alende Vizita L4, PM ALkatiri vizita mos Padre Joao Dedeus ne’ebe mak oras ne’e daudaun baixa hela iha Ospital Nasional Guido Valadares.

Iha fatin hanesan Diretor Klinika Ospital Nasional Guido Valadares Flavio Brandao  hatete, hatete kondisaun Veteranus L4 nian todan uitoan ne’e duni mediku sira foti ona desizaun hodi halo transferensia ba Singapura.

“Senor L4 kondisaun moras duni ne’ebe mediku sira foti ona dezisaun hodi halo transferensia ba singapura hodi halo tratamentu avansadu,” dehan Flavio.

Veteranus L4 sei aranka ba Singapura ohin ou aban,  hatan ba moras husi L4 doutor ne’e la bele fo sai tanba tuir kodigu etika mediku nian pasiente sira nia moras konfidensial.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here