Home nasional Kontenti Ho Xanana, Lere Husu Xanana Hakuak Hotu Alkatiri, Lu-Olo, Horta no...

Kontenti Ho Xanana, Lere Husu Xanana Hakuak Hotu Alkatiri, Lu-Olo, Horta no Abilio

1787
0
SHARE
Xefi Estadu Maior das forsa armada F-FDTL, Maijor General Lere Anan Timur. Photo: Espesial

By: Fidelio RAMOS

THETIMOR-NEWS.com DILI – Maior Das Forsas F-FDTL Lere Anan Timur senti konteti tebes tanba bainhira lider Kay Rala Xanana Gusmão hakuak malu ho Taur Matan Ruak no Naimori iha Singapura.

“Horkalan hau hare kuandu ita nia lider nain tolu hasoru malu hakuak malu, tanis ba malu, rei malu, hau kontenti los,” dehan eis Guerilleiru ne’e ba jornalista sira hafoin remata inkontru ho Prezidenti Republika (PR) Francisco Guterres Lu-Olo iha Palasiu Prezidensial Bairu-Pite Dili, Kuarta (22/11/2017).

Tanba ne’e nia dehan, diak liu mak Xanana mai hakuak malu tan ho lider historiku hanesan Mari Alkatiri, Francisco Guterres Lu-Olo, Jose  Ramos Horta, no  Abilio Araujo.

Nune’e Xefe Estadu ne’e hatete, situasaun jeral iha rai laran agora kontinua la’o hakmatek apezar iha insedenti no konfrontu entre individual no grupu ne’e konsidera krimi, maibe responsavel husi intituisaun Polisia Nasional Timor Leste  (PNTL) nian.

“Ita hare situasaun jeral diak, maibe situasaun politik mak ladiak, tanba interese kuandu halo politik ona ne’e sempre buka deit mak kadeira agora halo ita nia populasaun mak tauk hela deit, tanba ne’e, imi tenki konfia nafatin deit F-FDTL no PNTL,” dehan ema numeru ida iha F-FDTL.

Alende ne’e nia mos informa partisipasaun husi F-FDTL batalão ida hamutuk  ema nai 400  ba  nian hodi halo parada ba loron Proklamsaun Independensia 28 de Novembru ne’ebe mak monu iha Munisipiu Covalima.

Nia hatutan, sira parte mos hasoru problema kona lojistik asaun kombate rua hanesan asaun fresku no asaun kenti, alende ne’e hasoru mos difikuldade transforte la to’o bainhira tula forsa sira maibe konsege aluga kareta privadu balun.

“Kuandu asaun fresku laiha, hau haruka hakarak ka lakoi dezanraska tenki to duni Covalima porque ema militar ne’e fo ordem tenki kumpri, tanba ne’e hau dehan ba sira ba la’o neneik matebian sira sei  akompaina imi to’o iha ne’eba depois mak  ita hasoru malu deit iha Kovalima,” tenik Lere.

Editór: Evangelisto SANTOS I COPYRIGHT © THETIMORNEWS 2017

 

LEAVE A REPLY

Please enter your comment!
Please enter your name here