Home dezenvolvimentu Deklarasaun Xanana, PM Alkatiri Lakohi Hatan Tamba Laos Halo Iha TL

Deklarasaun Xanana, PM Alkatiri Lakohi Hatan Tamba Laos Halo Iha TL

3138
0
SHARE
Primeiru Ministru Mari Alkatiri. Photo:TTN/Hortencio Sanches

By: Hortencio SANCHES

THETIMOR-NEWS.com, DILI – Primeiru Ministru (PM) Mari Alkatiri hatete, nia la hatan ba deklarasaun ne’ebe mak Prezidente Partidu CNRT Kay Rala Xanana Gusmao halo iha rai liur.

“Deklarasaun ne’ebe mak Maun Bo’ot Xanana sira halo iha rai liur Singapura hau sei la hatan, maibe kuandu sira halo iha Timor – Leste hau sei hatan,” dehan PM Alkatiri ba Jornalista sira iha Ospital Nasional Guidu Valadares, Kuarta (22/11/2017), hodi responde ba deklarasaun ne’ebe mak lider AMP sira halo iha Singapura foin lalais ne’e.

Deklarasaun ne’ebe mak Xefe negosiador Fronteira Maritima Kay Rala Xanana Gusmao halo hamutuk ho Prezidente Partidu Libertasaun Popular (PLP) Taur Matan Ruak no Konselleru Superior Partidu Kmanek Haburas Unidade Timoroan (KHUNTO), Jose Naimori.

Durante hasoru malu iha Singapura Kay Rala Xanana Gusmao iha nia deklarasaun husu ba povu hotu atu tur hakmatek iha fatin relasiona ho situasaun politiku ne’ebe mak agora daudaun lao hela iha Timor – Leste.

Lider ne’e, deklara mos katak sira partidu 3 hanesan CNRT, PLP no KHUNTO prontu toma responsabilidade ba situasaun ne’ebe mak agora akontese no sira sei la tau kulpa ba ema ida no desizaun sira intrega ba Prezidente Republika Francisco Guterres Lu- Olo mak deside. Tanba ne’e sira espera katak PR Lu-Olo sei fodi desizaun la kontra konstituisaun.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here