Home nasional PLP Prontu Fo Osan ba L4 Hodi Halo Tratamentu

PLP Prontu Fo Osan ba L4 Hodi Halo Tratamentu

4336
0
SHARE
Xefe bankada PLP Fidelis Magalhaes.Photo Facebook/Fidelis Magalhaes

By: Hortencio  SANCHES

THETIMOR-NEWS.com, DILI – Partidu Libertasaun Popular (PLP) liu husi Xefe bankada Fidelis Magalhaes deklara sira nia parte pronto atu apela ba militante PLP iha teritoriu Timor laran tomak atu tau osan US$ 1 nune’e bele fo ba veteranus Andre Belo Alias L4 hodi halo tratamentu ba niasaude ne’ebe agora ladun saudavel.

“Ami vota kontra pedidu urjensia ne’ebe aprezenta husi governu tanba depois rona informasaun no razaun oin-oin entaun iha ne’e ita konklui katak osan sei iha so vontade mak laiha atu uza osan sira ne’e ho diak hodi responde ba nesisidade sira ne’ebe ohin ita temi, kona ba ita nia maun veteran L4 ami fiar katak iha fundu governu nian ne’ebe mak sei bele fasilita ida ne’e hanesan ohin temi katak MSS mos sei iha fundu, sei laiha karik ami apela ba militante PLP iha teritoriu tomak ema ida 1 dolar atu bele responde ba ida ne’e hodi halo tratamentu,” dehan deputadu Fidelis iha PN, Segunda (20/11/2017).

Tanba ne’e, nia haktuir  kona ba situasaun ida ne’e, ba sira la iha problema no sira lakoi politiza problema ema ida nian hodi lori ba PN diskute laiha onestu.

“Ida ne’e ba ami laiha problema, ami lakoi lori probelma ou moras veteranus ida nian mai iha PN ida ne’e ita rasik la onestu ho ita nia statement politika ne’ebe mak ita halo,” dehan Fidelis.

Iha plenaria PN, Deputada Maria Angelica Rangel foti kestaun L-4 ne’ebe dadauk ne’e grave hela ospital no persiza ba tratmentu rai liur, tamba ne’e PN tenki vota favor ba orsamentu urjensia. Kestaun hanesan mos hato’o hosi Deputadu David Dias Ximenes alias Mandati.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here