Home dezenvolvimentu FRETILIN Konsidera “Opozisaun Halo Golpe” Hasoru Governu

FRETILIN Konsidera “Opozisaun Halo Golpe” Hasoru Governu

3710
0
SHARE
Deputadu Parlamentu Nasional. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Bankada FRETILIN iha uma fukun Parlamentu Nasional (PN) liu husi deputada Nurima Ribeiro Alkatiri konsidera bankada opozisaun iha, PN hanesan CNRT, PLP no KHUNT ne’ebe vota kontra pedidu Karakter urjensia ho diskursu ne’ebe mamuk hodi uza konstituisaun atu halo golpe hasoru VII Governu ne’ebe eleitu maioria husi povu.

Deputada bankada FRETILIN Nurima Ribeiro Alkatiri. Photo: TTN/Hortencio Sanchez

“Povu presiza tebes sira nia nesisidade, povu presiza tebes ba sira nia salariu, tanba agora daudaun ita besik tama ona ba natal, se ita la halo prosesu urjensia bainhira mak moras sira bele hetan tratamentu, hau laos vota kontra ho diskursu ne’ebe mamuk hodi uza konstituisaun hodi halo golpe ba governu ne’ebe eleitu maioria husi povu,” deklara deputada Nurima Alkatiri hafoin remata votasaun ba diskusaun pedidu urjensia ne’ebe aprezenta husi VII Governu Konstitusional iha PN, Segunda (20/11/2017).

Nune’e deputada FRETILIN Maria Angelica Rangel husu ba lider masimu sira hanesan Kay Rala Xanana Gusmao, Taur Matan Ruak, Mari Alkatiri no seluk tan, karik durante iha prossesu luta nia laran keta iha diverzensia politiku ruma tenke dehan sai ba jersaun foun atu nune’e labele lori povu sai vitima.

Deputada bankada FRETILIN, Maria Angelica Rangel. Photo: TTN/Hortencio Sanches

“Dehan sai mai ami jerasaun foun, labele ita koalia lohi malu hodi forma AMP ka OMP ka, komisaun C ami diskute tuir regras senor Prezidente PN nia despaisu urjensia kabe ho artigu 97 lori ba laos diskute orsamentu ratifikativu, maibe atu diskute karakter urjensia ida ne’e deit mos maluk sira husi opozisaun sira rejeita nafatin,” dehan deputada Maria Angelica iha Plenaria PN.

Nia hatutan, buat hotu ne’ebe diak governu hato’o ona, maibe ho mafe ne’ebe mak iha buat hotu ne’ebe diak sai moruk hotu maske buat hirak ne’e midar.

“Agora hau hanesan deputada husu ba maun Xanana, maun Taur Matan Ruak, maun Lu-Olo, maun Mari Alkatiri ami mak jerasaun foun ne’ebe atu hatutan ukun ida ne’e maske imi bele mate, soberania nasaun ida ne’e labele mate no taka odamatan,” dehan deputada FRETILIN ne’e.

Nia mos husu ba membru AMP sira atu hato sentimentu nasionalismu no patriotismu nune’e povu mos bele hatene no lalika atu koalia lohi malu iha PN. Tanba FRETILIN nia pozisaun no prinsipiu justu atu lori povu no nasaun ba moris diak.

Jose Agostino da Silva, Deputada Bankada KHUNTO no Sekretariu Jeral Partidu KHUNTO. Photo: TTN/Hortencio Sanches

Iha plenaria ne’e mos Deputadu Jose Agostinho da Silva, hosi Bankada KHUNTO husu ba VII Governu Konstitusional atu onestu ba Orsamentu Estadu ne’ebe husik hosi governu tuan, atu nune’e PN mos bele tetu osan hirak ne’ebe aprezenta ho modelu orsamentu urjensia ne’e urjenti duni ka lae.

“Ita onestu deit, governu tenki onestu hare’e didiak to’ok osan governu nian ne’ebe iha ne’e sei iha ka lae, atu hotu bele hatene ga,” dehan deputadu ne’e.

Iha votasaun orsamentu urjensia ne’e, pedidu VII Governu Konstitusional ne’ebe lidera hosi PM Mari Alkatiri la hetan aprovasaun tamba hetan kontra votos 35 hosi bankada Opozisaun Parlamentar no hetan deit votos a favor 30.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here