Home desportu FFTL Hahu Loke Rejistu Kandidatura Prezidente

FFTL Hahu Loke Rejistu Kandidatura Prezidente

92
0
SHARE
Membru Apeaal Komite, ne'ebe hetan fiar husi FFTL organiza kongresu nasional FFTL ne'ebe sei halo iha 20 Janeiru 2018. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Federasaun Futebol Timor – Leste (FFTL) liu husi Komite Eleisaun no Appeal Komite hahu loke inskrisaun ba kandidatura ba Prezidente, Vise Prezidenti no Membru Ezekutivu ba period 2017-2022.

Rejistu ba kandidatura ne’e kompostu hosi Prezidenti nain 1, Vise Prezidenti nain 3 no membru ezekutivu nain 7 offisialmente sei loku hahu 21 Novembru to’o 19 Dezembru 2017 iha Sede FFTL Dili.

Xefe Appeal Komite, Octaviano da Conceição esplika, durante ne’e, sira nia parte halo ona inkontru nune’e bele halo publikasaun ba publiku kona ba prosedimentu ba lista kandidatura ba prezidente FFTL durante tinan 4 nia laran.

“Servisu ne’ebe mak agora daudaun ami halo hetan apoiu masimu husi ezekutivu FFTL nian ne’ebe hili ami liu hosi kongresu extra-ordinariu, ho nune’e mak ami hakarak informa ba publiku hotu ba mos assosiasaun futebol iha Timor laran tomak no ba  klubu sira hotu katak hahu husi 21 to 19 Dezembru 2017, ami halo ona rejistu ba lista kandidatura no kriteriu ne’ebe mak kandidatura sira sei priense liu husi assosiesaun sira ne’ebe mak sei nomeia sira,” dehan Octovianus ba jornalista sira iha konferensia imprensa, iha FFTL House, Dili, Segunda (20/11/2017).

Nia haktuir, lista dokumentu prosedimentu ba kadidatura hanaran matadalan atu nune’e assosiasaun sira bele kandidatu sira nia kandidatura ba ezekutivu Prezidente, vise 3 no membru nain 7.

Kriteriu ne’ebe mak komisaun hirak ne’e tau iha dokumentu matadalan nia laran, la ses husi kriteriu estatutu FFTL nian no la ses husi regras FIFA no AFC.

Kriteriu ba kandidatura sira sei hatama formulariu ba kandidatura prezidente, vise prezidente, no membru ezekutivu, formulariu dadus konfirmasaun dadus ofisial komponente kandidatura, rekezitu aneksu dokumentu hanesan foto CV tenke ativu iha mundu futebol durante tinan 5 no tenke hetan koinesimentu husi assosiasaun no membru FFTL nian ikus liu folla deklarasaun.

“Ba sira ne’ebe hakarak kandidata an tenki ativu iha atividade futebol nian ne’ebe organiza hosi assosiasaun futebol no FFTL minimu durante tinan 5,” esplika Frederico Pereira Martins, vise xefi Komite Eleisaun.

Tuir ajenda ne’ebe AFC konkorda ona katak FFTL sei halo kongresu nasional iha 20 Janeiru 2018 iha Kapital Dili.

Dadauk ne’e FFTL lidera hosi Osorio Florindo nudar Prezidenti Interinu hafoin Francisco Kalbuadi Lay rezigna an hosi kargu numeru ida iha FFTL ne’e ho razaun moras.

FFTL harii iha tinan 2002 no halo ona kongresu nasional dala rua, ho kongresu nasional 20 Janieiru 2018, FFTL sei halo ba datoluk.

Tuir informasaun ne’ebe espalla, Osorio Florindo atual Sekretariu Estadu Desportu Promosaun Alta Kompetisaun kontinua avansa nudar kandidatu no Filomeno Fernandes atual vise prezidenti mos hakarak kandidatu ba kadeira numeru iha iha FFTL ne’e.

Editóra: Agida DOS SANTOS I COPYRIGHT © THETIMORNEWS 2017 

LEAVE A REPLY

Please enter your comment!
Please enter your name here