Home nasional F-FDTL Tenki Tane As Espiritu Nasionalista

F-FDTL Tenki Tane As Espiritu Nasionalista

182
0
SHARE
Falintil Forsa Defeza Timor - Leste (F-FDTL). Photo: Google.com

By: Fidelio RAMOS

THETIMOR-NEWS.com, DILI – Prezidenti Republika (PR) Francisco Guterres Lu-Olo husu Falintil Forsa Defeza Timor-Leste (F-FDTL) tenki tane as espiritu nasionalista hodi fo domin ba nasaun Timor-Leste.

Xefe Estadu ne’e dehan, F-FDTL nia misaun atu bele hetan susesu, kontinua foti as forsas defeza no nasaun ne’e nia naran, tanba ne’e jerasaun tuan sira tenki fo sira nia segredu ba jerasaun foun.

“Miilitar sira nia profesionalizmu ohin loron lahanesan, ho ida ne’e ita tenki  tane as horiuluk  hanesan  iha ai-laran tanba ne’e povu ho militar unidade atu nune’e bele garante ho  susesu,” dehan Lu-Olo PR Lu-Olo iha nia  intervensaun hafoin loke seminariu nasional kona ba Direitus Humanus iha Kuartel Jeral F-FDTL Fatuhada Dili, Segunda (20/11/2017).

Xefe estadu ne’e hatutan, Militar sira tenki garante no promove Direitus Humanus, nune’e hamutuk hodi bele hametin sosiedade ida ho estavel, ho sidadaun hotu moris hakmatek no fo domin ba malu.

“Ita nia maun-bin sira, ne’ebe deit mak ita bele hetan hot-hotu husi ukun-an ida ne’e inklui direitu atu ita hotu moris iha rai ida ne’e ho pas no seguransa hodi goza direitu, liberdade no  fo garantia ba sira ne’ebe ita nia konstituisaun fo ba ita hotu,” dehan PR Lu-Olo.

Iha biban ida ne’e nia mos hato’o nia votus susesu ba Xefe Estadu Maior Das Forsas Armadas F-FDTL Lere Anan Timur no mos komandu F-FDTL ba sira nia esforsu atu haburas forsa defeza, no hametin dixiplina no proteje bebeik sidadaun no soberania nasional.

Editór: Evangelisto SANTOS I COPYRIGHT© THERTIMORNEWS 2017

LEAVE A REPLY

Please enter your comment!
Please enter your name here