Home dezenvolvimentu AMP Vota Kontra Orsamentu Urzensia

AMP Vota Kontra Orsamentu Urzensia

154
0
SHARE
Deputadu Parlamentu Nasional. Photo TTN/Hortencio Sanches

By: Hortencio SANCHES

THETIMOR-NEWS.com, DILI – Bankada Opozisaun iha uma fukun Parlamentu Nasional (PN) ne’ebe hanaran  Aliansa Maioria Parlamentar (AMP) ne’ebe forma husi partidu  tolu CNRT, PLP no KHUNTO rejeita  no vota kontra ba Orsamentu Urjensia ne’ebe aprezenta husi VII  governu konstitusional atu selu emprezariu sira ne’ebe durante halao ona obra ba dezenvolvimentu nasaun nian no atende mos pasiente hirak ne’ebe atu ba halo tratamentu iha rai liur.

Rajaun hisi AMP hodi vota kontra Orsamentu Urjensia ne’e tanba sira konsidera katak orasamentu ba tinan 2017sei iha atu governu bele utilijasaun ba nesisidade urjensia sira.

Deputadu CNRT Natalino dos Santos hatete, Artigu 37 fo dalan ba ministru Finansas hodi uza nia kompetensia atu transfere veteranus sira ne’ebe moras ba halo tratamentu tanba fundu kontijensia US$ 1.3 miloes sei iha no tanba sa ministeriu finansas la uza nia kompetensia.

“Artigu 37 fo dalan ba Ministru finansas atu uza nia kompetensia hodi tranfere veteranus sira hodi halo tratamentu ba sira nia  saude ho osan kontijensia ne’ebe mak sei iha hela 1.3 miloes tanbasa ministeriu la uja nia kompetensia,” dehan deputadu Natalino hafoin vota kontra Orsamentu Urjensia iha uma fukun PN, Segunda (20/11/2017).

Nia hatutan, alende ministeriu finansas iha mos Ministeriu Solidaridade Sosiais (MSS) mos sei iha osan atu nune’e bele atende ba situasaun urjensia sira.

Antes atu tama ba diskusaun ba orsamentu urjensia ne’ebe hatama husi governu, AMP hatama ona moasaun sensura b aba VII Governu konstituisaun tanba liu ona prazu ba Governu hodi aprezenta program aba faze daruak ninian.

Durante ne’e, AMP vota kontra ona programa da-huluk ne’ebe aprezenta husi VII Governu konstitusional ne’ebe lidera husi Mari Alkatiri.

Razaun husi bankada opozisaun sira hodi vota kontra programa da-huluk VII governu nian tanba governu refere la priense maioria parlamentar no inkonstitusional.

Iha votasaun ne’ebe mak ohin halao bankada opozisaun vota kontra 35 no bankada koligasaun vota afavor 30.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here