Home divertementu Vokalis SLANK Gosta Kafe Timor

Vokalis SLANK Gosta Kafe Timor

654
0
SHARE
Agida Dos Santos Slanker Timor - Leste bainhira fo Souviner Cafe ba Personil Slank bainhira halo Konferensia Imprensa, Sesta (17/11/2017), Salaun Maubara Timor Plaza Dili. Photo: Dok. FCSTL

BY: Fidelio RAMOS

THETIMOR-NEWS.com DILI Akhadi Wira Satriaji alias Kaka, vokalis SLANK grup band Indonesia nian hato’o nia sentimentu ba kafe Timor ne’ebe nia senti gostu hafoin koko hemu Kafe Timor nian.

Estrutura SFCTL hasai foto hamutuk ho grup band SLANK hafoin halo inkontru ho Slanker sira iha Streat Cafe, Sabado (18/11/2017). Photo: TTN/Hortencio Sanches

Kaka hato’o lia hirak ne’e ba nain Street Café, Evangelisto Gantry dos Santos Meilana, Sabadu (18/11/2017), wainhira hasoru malu Slankers Timor-Leste ne’ebe durante ne’e uza fatin refere ba inkontru no diskusaun ba atividade Slankers Timor-Leste nian.

“Boleh donk mau kopi Timor, pesan yang masih biji ada gak,” dehan Kaka ba Gantry.

“Aku juga mau donk,” hatutan Ridho, gitaris SLANK.

Slankers Timor – Leste hasai foto hamutuk ho SLANK. Photo: TTN/Hortencio Sanches

Iha nia hasoru malu ho Slank Fans Club Timor-Leste (SFCTL) ne’ebe lidera hosi Ricardo “Anuku” Moniz nudar koordenador no Gantry nudar mos Sekretariu Jeral, Kaka, Bim-Bim (drummer) no Ridho apresia los ho kreatividade Slanker Timor-Leste, inklui hanoin ona ba investimentu kiik oan iha negosiu cafeteria.

“Husu ba imi (slankers) atu kontinua hatudu kretividade no bele halo mos atividade Slankers Beach Party, tamba imi iha tasi ibun kedan, imi nia tasi mos furak,” dehan Kaka.

Sekretariu Jeral SFCTL Evangelisto Gantry koalia hela ho vokalis SLANK Kaka, bainhira hasoru malu ho Slanker sira. Photo: TTN/Hortencio Sanches

Iha party seluk, Bunda Ifet nudar konselleru SLANK mos apresia ba kreatividade Slankers Timor-Leste nian, maibe husu mos atu atividade ne’ebe iha laos wainhira SLANK halo konsertu mak foin hamutuk.

“Imi (slankers) labele halo atividade wainhira SLANK konser mak imi halo, maibe halo tok buat seluk, hanesan ohin esplika ona hosi Gantry, atividade sira ne’e mos tenki informa ba Pulau Biru (kuartel jeral SLANKERS) nune’e ami mos bele hatutan informasaun liu hosi website SLANK nian katak Timor-Leste nia atividade mak ne’e,” dehan Bunda Ifet.

Iha fatin hanesan, Ricardo Moniz nudar koordenador senti kontenti tamba SLANK kontinua hakarak halo konsertu iha Timor-Leste ba dala tolu, espesialmente vizita ona fatin STREET CAFÉ, fatin ne’ebe konsidera ona nudar sede SFCTL.

“Terima kasih sudah mengunjungi tempat kami,” dehan Anuku badak.

Tamba gosta kafe Timor, SFCTL iha loron dahuluk fahe souvenir kafe Timor ho pasta modelu tais ba personil SLANK ne’ebe senti gosta los ho souvenir ne’e.

Iha hasouru malu ne’e, personil SLANK sira mos asina sutahan logo SFCTL ne’ebe prepara hosi dirijenti sira.

Alende gosta kafe Timor, Kaka mos gosta ho paisazem tasi Timor nian no halo ona luku iha tasi ibun, Tasi Tolu, Dili.

SLANK iha lokoraik (18/11/2017) sei halo konsertu ba promosaun bebidas alcohol ida no konsertu ne’e nudar konsertu datolu hafoin uluk halo iha tinan 2008 no 2014.

Vokalis SLANK Kaka hasai foto hamutuk ho nain Street Cafe. Photo: TTN/Hortencio Sanches

STREET CAFÉ parte negosiu iha Kompanha Natural Multimedia Productions nia okos ne’ebe durante ne’e halao obra ba produsaun imprimi no audio-visual nian, inklui ba portal notisias online thetimor-news.com.

Street Café hari’i iha fulan Setembru 2017 no konsentra iha bebidas nian no kafe.

Editór: Hortencio SANCHES I COPYRIGHT©THETIMORNEWS 2017

LEAVE A REPLY

Please enter your comment!
Please enter your name here