Home dezenvolvimentu PNTL Prontu Nafatin Assegura Estabilidade Iha Timor – Leste

PNTL Prontu Nafatin Assegura Estabilidade Iha Timor – Leste

63
0
SHARE
Komisariu Julio Hornay.Photo: Google.com

By: Hortencio SANCHES

THETIMOR-NEWS.com, DILI – Polisia Nasioal Timor – Leste (PNTL) liu husi Komandante Jeral Komisariu Julio da Costa Hornay deklara, sira nia parte sei mantein nafatin pozisaun ne’ebe firme hodi assegura seguransa ba estabilidade iha Timor – Leste.

“Ami mantein ami nia pozisaun hamutuk ho F-FDTL para bele atu assegura estabilidade no paz iha rai doben ida ne’e,” dehan Komisariu Julio Hornay ba jornalista sira, hafoin remata sorumutu ho Komandante Komandu Munisipiu Dili no estrutura sira, iha komandu Caicoli, Kinta (16/11/2017).

Iha sorumutu ne’e, ema numeru ida, iha PNTL ne’e husu ba autoridade seguransa hotu atu hakmatek nune’e situasaun politiku ne’ebe mak agora daudaun lao iha Timor – Leste labele doko seguransa.

“Hau husu ba sira hotu atu mantein kalama nafatin, labele hakfodak ho politiku ne’ebe mak agora daudaun lao iha ita nia rain hodi doko ita seguransa, husik politiku lao tuir nia dalan, tanba iha ne’eba mesak ita nia maun bo’ot sira deit mak tur iha ne’eba,” dehan Komisariu Julio.

Hanesan seguransa tenke hamrik metin nafatin iha konstitusional RDTL nia okos hodi fo nafatin seguransa ne’ebe diak ba nasaun Timor – Leste, nune’e povu hotu bele halo aktividade ho diak.

Iha fatin hanesan, Komandante PNTL Munisipiu Dili, Superintendente Xefe Pedro Belo hatete, inkontru ne’ebe mak komandante Jeral Komisariu Julio Hornai halo ho sira hanesan apoiu moras id aba komandante PNTL hotu iha munisipiu Dili nune’e munispiu sira hotu atu halo seguransa tuir lei no orden ne’ebe diak.

“Komandante Jeral nia vizita ne’ebe mak ohin halo mai iha komandu DILI ne’e hanesan apoiu moral ba komandante no ajente sira ne’ebe mak iha munisipiu sira atu nune’e bele hatene katak orientasaun ne’ebe iha mai duni husi komandu jeral nune’e bele halo servisu diak liu tan,” dehan Superintendente Xefe Pedro Belo.

Editór: Evangelisto SANTOS I COPYRIGHT© THETIMORNEWS 2017

LEAVE A REPLY

Please enter your comment!
Please enter your name here