Home dezenvolvimentu Julio Hornay: PNTL Tenke Halo Seguransa ho Neutralidade

Julio Hornay: PNTL Tenke Halo Seguransa ho Neutralidade

374
0
SHARE
Komisariu Julio Hornay.Photo: Google.com

By: Hortencio SANCHES

THETIMOR-NEWS.com, DILI – Komandante Jeral Polisia Nasional Timor – Leste (PNTL) Julio da Costa Hornay husu ba autoridade seguransa tenke halo atuasaun no seguransa ho neutralidade nune’e labele hare ba kor nune’ebele hametin liu tan estabilidade iha Timor – Leste.

Membru PNTL Munisipiu Dili. Photo espesial

“PNTL tenke halo atuasaun no fo seguransa ho neutralidade, hamrik metin iha kalaran ba se deit labele hare ba kor rasa politika mai husi ne’ebe, maibe tenke atende problema sira ho diak katak, ida ne’ebe mak sala dehan sala no ida ne’ebe mak los dehan los,” dehan Komisariu Julio Hornay ba Jornalista sira iha Komandu Munisipiu Dili, Kinta (16/11/2017).

Nia informa, durante ne’e, PNTL halo duni servisu ne’ebe mak diak hodi kaptura duni grupu Arte Ritual sira no arte marsiais sira hodi prosesu on aba Tribunal.

“Durante ne’e ita nia PNTL halo kapturasaun duni ba ita nia joven sira ne’ebe involve iha arte rituais balun involve iha arte marsiais ne’ebe mak ita nia lei hatete ona bandu, entaun PNTL hanesan instituisaun ida ne’ebe mantein lei no orden ita halo duni kapturasaun ba sira hodi lori ba tribunal mak deside sira,” dehan Komisariu Julio.

Nune’e nia husu mos ba membru PNTL no komunidade hotu atu prevene linguajen ne’ebe mak la diak ba malu, tananba Timor – Leste ema ida deit.

Agora daudaun, PNTL halo koperasaun diak tebes ho F-FDTL hodi fo seguransa ba kapital Dili iha tempu kalan.

Editór: Evangelisto SANTOS I COPYRIGHT© THETIMORNEWS 2017

LEAVE A REPLY

Please enter your comment!
Please enter your name here