Home nasional Taur: Estabilidade Governativa, Tenki Maioria iha Parlamentar

Taur: Estabilidade Governativa, Tenki Maioria iha Parlamentar

63
0
SHARE
Prezidente PLP. Taur Matan Ruak. Photo: Google.com

By: Fidelio RAMOS

THETIMOR-NEWS.com, DILI – Prezidenti Partidu Libertasaun Popular (PLP), Taur Matan Ruak hatete atu estabiliza governasaun, governu ida tenki iha nia maioria parlamentar.  Eis Prezidenti Republika(PR) ne’e esklarese, iha nia hasoru malu ho PR Francisco Guterres Lu-Olo, nia nunka atu kolia dehan prezidenti tenki intrega (governu, red) ba sira, maibe so hatete deit hare liu deit ba konsentrasaun agora nian maioria  no minoria tanba estabilidade governativa mai husi estabilidade politika liliu maioria iha parlamentar.

“Dalan ba solusaun iha 2 deit hanesan politika ou legal no kontituisional,” dehan TMR ba jornalista sira hafoin hasoru malu ho PR Lu-Olo, iha Palasiu Prezidensial Aitarak Laran, Dili, Kuarta (15/11/2017).

Prezidenti PLP TMR esplika, dalan ba solusaun primeiru  iha politikamente hare ba  iha komplikasaun tanba evolusaun konsertasaun  partidu opozisaun avansa  makas liu tia ona  segundu  dalan legal kontituisional,  maibe  bele hare  ba tempu hirak  ne’e saida mak atu akontese.

“Hetan solusaun  mak  rua ne’e deit ona signifika katak AMP hare dalan politik ba oin, no ida seluk dehan lae ona entaun ba iha  parte legal,” dehan TMR.

Tuir nia  PR Lu-Olo  kontinua pasensia para atura partidu hotu, maibe  TMR  senti  kontenti  iha  esperansa ba  dalan ikus .

“Hau hakarak garante ba populasaun hotu problema ida ne’e bahasa dehan kecil, maibe hau kontenti los hau fiar katak sei hetan solusaun hodi  ultrapasa ba oin,” nia dehan.

Nia espera  atu ultrapasa  ba oin tanba bloku tolu CNRT, PLP, no KHUNTO iha ona asinatura ba komprimisiu tanba ne’e dukumentus husi partidu tolu sei to’o iha PR Lu-Olo para oinsa atu hare sira nia pozisaun oinsa.

Nia mos hakarak agradese ba PR  Lu-Olo tanba bele konvida sira hotu mai rona opiniaun no buka dalan  ba  problema politik ne’ebe mak la’o namanas hela no fo parabens ba estudante husi nive primaria to’o ensinu superior inklui populasaun sira hotu ne’ebe mak kontinua mantein kalma no hakmatek.

Editór: Evangelisto SANTOS I COPYRIGHT© THETIMORNEWS 2017

LEAVE A REPLY

Please enter your comment!
Please enter your name here