Home dezenvolvimentu Governu Sei Hamenus Traballador Estranjeiru

Governu Sei Hamenus Traballador Estranjeiru

1460
0
SHARE
Sekretario Estado Juventude no Traballo. Nivio Magalhaes. Photo: TTN/Hortencio Sanches

By: Hortencio SANCHES

THETIMOR-NEWS.com, – DILI Governu liu husi Sekretariu Estadu Joventude no Traballu (SEJT) Nivio Magalhaes hatete, sira iha ona planu atu hamenus traballador husi estranjeiru ne’ebe oras ne’e daudaun servisu iha Timor – Leste.

Nia esplika, razaun hamenus traballador husi Timor – Leste tanba, servisu ne’ebe mak traballador hirak ne’e halo maioria Timoroan mos bele halo.

“Ba oin ami halo limitasaun ba traballador sira husi rai liur, tanba servisu balun ne’ebé mak ita nia maluk Timoroan sira iha kapasidade atu halo,” dehan Nivio Magalhaes ba Jornalista sira iha Sentru Formasaun Juventude Matadoru Dili, kuarta (15/11/2017).

Governante ne’e lamenta ho traballador estranjeiru sira iha Timor -Leste, tanba oras ne’e dadaun negosiu ki’ik to empresario sira domina husi ema rai liur, tanba ne’e mak VII Governu trasa planu hodi halo operasaun konjunta hodi deporta fila ema estrajeru sira, dadaun ne’e domina merkadu Timor Leste.

Lider jerasaun foun ne’e, afirma ba oin VII Governu sei laiha toleransia ba traballador estranjeiru ne’ebe mak uza vistu Turistu atu halo servisu.

Planu governu nian ne’e tanba oras ne’e daudaun traballhador no negosiante estranjeiru mak domina liu iha Timor – leste. Tanba ne’e ba oin governu sei servisu makas hodi prevene no fo opoprtunidade ba trabalhador no negosiante Timortoan sira.

Nune’e ba oin governu sei servisu hamutuk ho autoridade seguransa hanesan servisu migrasaun hodi halo operasaun ba trabalhador estranjeiru hirak ne’e hodiu deporta ffila ba sira nia rain.

Editór: Evangelisto SANTOS I COPYRIGHT© THETIMORNEWS 2017

LEAVE A REPLY

Please enter your comment!
Please enter your name here