Home dezenvolvimentu URA Konvida PR Lu-Olo Lu-Olo Partisipa Sira Nia Kongresu

URA Konvida PR Lu-Olo Lu-Olo Partisipa Sira Nia Kongresu

26
0
SHARE
Estrutura URA. Photo: TTN/Fidelio Ramos

By: Fidelio RAMOS

THETIMOR-NEWS.com, DILI – Organizasaun Uniaun Reformasaun Agraria (URA) hasoru malu ho Prezidenti Republika (PR) Francisco Guterres Lu-Olo hodi husu disponibilidae atu partisipa kongresu iha Munisipiu Likisa.

Tuir planu kongresu ne’e sei realiza iha (23/11/2017) kompostu husi Postu Administrativu 3 hanesan Bazartete, Maubara, no Likisa ho objektivu atu hili estrutura foun ba URA.

“Ami hasoru PR atu husu xefe estadu bele ba asisti ami nia kongresu tanba ami atu hili estrutura foun, nune’e mos prezidenti laos asisti deit  sei hato’o mos lia fuan diak ruma ba komunidade toos nain sira hotu,”dehan feto faluk hadomi Timor  Madalena Bidau Soares alias Kasian ba Jornalista sira hafoin remata sorumutu ho PR Lu-Olo iha Palasiu Preziodensial Bairu Pite Dili, Tersa (14/11/2017).

Nia hatutan, bainhira sira nia estrutura organizasaun ne’e lao los ona, sira nia parte sei halo mos reformasaun ba agrarian ba komunidade hirak ne’ebe okupa rai maibe nain ba rai sei iha hela, nune’e organizasaun ne’e sei organizakomunidade sira iha Munisipiu Liquica atu kuda ai-oan no ai-fuan nune’e bele haforsa dezenvolvimentu Timor – Leste nian ne’ebe agora daudaun lao namanas hela.

Feto faluk ne’e, husu ba komunidade no oragizasaun hotu iha Timor – Leste atu fiar malu hodi lao hamutuk ba oin tanba dezenvolvimentu iha nasaun ne’e atu lao ba oin presiza ema hotu nia kontribuisaun.

Alende ne’e, hanesan feto ne’ebe involve mos iha rezistensia luta ba libertasaun Timor – Leste nian, husu ba ema hotu atu kria estabilidade hodi hametin Unidade nasional iha rai doben Timor – Leste.

“Agora ami la lakoi atu kolia politik  ne’ebe as liu ami agora kolia liu mak politik dezenvovimentu nian  deit,”dehan nia.

Hare ba politiku ne’ebe oras ne’e daudaun lao namanasiha uma fukun  Parlamentu Nasional (PN) tenke fo liman ba malu atu nune’e bele lori nasaun no povu ne’e ba oin diak liu tan.

“Atu  halerik trus ba nai Maromak tansa mak ita sai nune’e tanba  povu barak mak mate ona  entaun imi tenki unidade ba tanba povu presiza dezenvove nasaun hanesa feto ran ida mane sira hare mos kaben sulin hotu ,”tenik Kasian.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here