Home ekonomia PN Kestiona Arguidu 2 Halai ba Australia

PN Kestiona Arguidu 2 Halai ba Australia

34
0
SHARE
Deputadu IV lezislatura sira halao debate iha uma fukun PN. Photo TTN/Hortencio Sanches

By: Hortencio SANCHES

THETIMOR-NEWS.com, DILI – Parlamentu Nasional (PN) liu husi deputada bankada PLP, Signi Chandrawati Verdial husu, tempu besik tenke bolu Prokurador Jeral Republika (PJR) hodi esplika klaru kona ba arguidu Tiago Luis de Vilhena Texeira Guerra ho nia kaben Chan Fong Guerra, ne’ebe oras ne’e hali ona ba Australia.

Reprejentante povu iha uma fukun PN ne’e kestiona karik, arguidu rua ne’e halai sai husi Timor – Leste ba Australia se los mak fasilita pasaporte nune’e arguidu sira bele sai husi Timor – Leste ba nasaun vizinu Australia.

“Rona katak aruidu estranjeiru rua ne’ebe mak halai sai ona husi Timor ba Ausralia agora daudaun detein hela iha Australia, karik los ita tenke hatene los se mak fasilita passaporte ba sira halai sai husi ne’e ba Australia, se bele iha tempu besik ita bolu PJR mai iha PN ida ne’e, hodi mai esplika lai situasaun ida ne’e para ita no publiku sira bele hatene,” dehan deputada Signi iha plenaria Parlamentar, Tersa (14/11/2017).

Nia hatutan, Prezensa PJR atu esplika klaru kona ba prosesu ema nain rua ne’e nian oras ne’e daudaun to ona iha ne’ebe.

Alende ne’e, nia husu ba PN no Governu bele iha ona hanoin konaba oinsa mak bele halo akordu extradisaun ho nasaun vizinu sira hanesan Australia, Indonezia no nasaun hotu iha Komunidade Psais Lingua Portuguesa (CPLP sigla Portugues) nune’e situasaun hirak ne’e akontese autoridade seguransa sira bele fasil kaptura hodi bele lori fila.

Arguidu 2 ne’e halai sai  husi Dili ba sae Ró ki’ik ida iha suku Betano Munisipiu Manufahi hodi aranka ba Australia maibe la konsege liu tanba hetan kapturasaun husi Polisia Australia nian iha 9 Novembru 2017 no oras ne’e daudaun hetan detein saun husi forsa Fronteira Australia nian tanba arguidu sira ne’e ultrapasa ba teritoriu Australia ho ilegalmente.

Durante ne’e, Arguidu ho nia fen involve iha kazu brankamentu kapital ne’ebe Tribulan Distrital Dili (TDD) hamonu ona pena prizaun tinan 8 no selu indenizasaun ba estadu ho valor $ 859.000.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here