Home dezenvolvimentu Eletrisidade Dili Laiha Transformador Rezerva

Eletrisidade Dili Laiha Transformador Rezerva

45
0
SHARE
Ministro Prezidensia no Ministro Konsellu Ministro. Adriano do Nasimento. Photo: Google.com

By: Hortencio SANCHES

THETIMOR-NEWS.com, DILI – Eletrisidade Munisipiu Dili oras ne’e daudaun laiha transformador rezerva nune’e bele assegura eletrisidade bainhira mosu dezastre urjente. Tanba ne’e, Ministro Prezidensia no Ministro Konsellu Ministro (MPMKM) Adriano do Nasimentu hatete, governu prevei ona 200 mil iha Orsamentu Ratifikativu nune’e tempu besik bele sosa transformador rezerva hodi bele responde ba kestaun urjente.

“Transformador ne’e importante tanba iha konslet ka udan anin bo’ot ruma mak falla hanesan terbakar ne’e Dili laran ne’e ahi mate hotu kedan no laos Dili laran deit bele mos kona hotu ba munisipiu sira ne’ebe besik, entaun atu lalika sai problema bo’ot iha eletrisidade ita tenke hola duni transformador ida nune’e bele rezerva hela ba bainhira mosu dezastre ruma ida rezerva ne’e bele lao nafatin,” dehan MPMKM Adriano ba Jornalista sira iha edifisiu Parlamentu Nasional, Tersa (14/11/2017).

Nia haktuir, uluk transforma dor rezerva Dili nian iha maibe lori ona ba Munisipiu Baucau tanba ne’e agora daudaun Dili laiha transformador rezerva.

Governante ne’e afirma, agora daudaun hakarak ka lakoi tenke sosa transformador rezerva tanba iha fula Dezembru no Janeiru komunidade iha Dili uza eletrisidade aumenta barak liu tan.

“Natal no tinan foun ne’e ita konsumu eletrisidade ne’e barak liu, entaun ita bele iha serteza katak buat balun terbakar ba mos iha ona nia rezerva hodi asegura,” dehan membru governu ne’e.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here