Home dezenvolvimentu Nivio Magalhaes: Ukun Rasik an Laos Hetan Gratuita

Nivio Magalhaes: Ukun Rasik an Laos Hetan Gratuita

1706
0
SHARE
Sekretario Estado Juventude no Traballo. Nivio Magalhaes. Photo: TTN/Hortencio Sanches

By: Hortencio SANCHES

THETIMOR–NEWS.com, DILI – Sekretaria Estadu Juventude no Traballo (SEJT), Nivio Magalhaes hatete, selebrasaun masakre Santa Cruz ba tinan 26 hatudu momos katak ukun rasik an Timor – Leste nian laos hetan gratutita, maibe dignifika ho eroi sira nia sofrementu.

Juventude sira partisipa selebrasaun loron trajedia 12 de Novembru iha semiteru santa cruz dili. Domingo (12/11/2017). Photo:TTN/Hortencio Sanches

“Ohin ita selebra loron istoriku ida ne’e hodi hanoin hikas ita nia eroi loriku aswain hirak ne’ebe mak durante ne’e fo sira nia vida hodi luta ba rai ida ne’e hodi ohin loron ita hetan ukun rasik an, ida ne’e hatudu katak ita nia libertasaun ne’e lori matan ben fakar ran mate sofrementu lubuk ida mak foin hetan ukun rasik an ida ne’e,” dehan SEJT Nivio ba TTN hafoin partisipa selebrasaun loron masakre Santa Cruz, Domingo (12/11/2017).

Tanba ne’e nia husu ba Joventude hotu-hotu iha Timor – Leste atu kontinua luta nafatin ba oin hodi halao dezenvolvimentu ba nasaun ida ne’e.

Eis SEJD Leovigildo Hornai. Photo: TTN/Hortencio Sanches

“Agora ne’e luta foun atu liberta povu sai husi ki’iak no mukit ne’e duni presiza joventude jerasaun foun agora hamutuk ho jerasaun tuan sira hodi lao hamutuk ba oin nafatin hodi kontribui ba dezenvolvimentu nasional,” dehan Nivio.

Iha sorin seluk, eis Sekretaria Estadu Juventude no Desportu iha VI Governu Konstitusional Leovigildo Hornai husu ba Joventude hotu iha Timor – Leste atu badinas nune’e bele banati tuir ezemplu ne’ebe mak eroi joventude sira halo ona iha tempupasadu.

“Ezemplu diak ne’ebe mak eroi juventude loriku aswain sira halo ona iha tempu pasadu hodi luta ba ukun rasik an fo sira nia an ba mate ohin loron ita goza duni ona independensia ida ne’e, entaun ohin loron joventude sira hotu tenke ba nati tuir dalan ne’e hodi luta ba dezenvolvimentu nasaun nian atu sai diak liu tan,” dehan Leovigildo ba Jornalista sira.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here