Home nasional Komite 12 de Novembru Kestiona Parpol Balun Uza Simbulu Loriku ba Interese...

Komite 12 de Novembru Kestiona Parpol Balun Uza Simbulu Loriku ba Interese Partidu

399
0
SHARE

By: Hortencio SANCHES

THETIMOR-NEWS.com, DILI – Komite 12 de Novembru husu ba organizasaun grupu no partidu Politiku (Parpol) labele utiliza simbulu loriku hodi halo intrese privadu no interese Partidu nian.

“Simbulu loriku aswain komite 12 de Novembro liu husi kongresu dala rua ne’ebe halao deklara katak, simblu loriku hanesan patrimoniu nasional ba Joventude loriku aswain. Tanba ne’e komite 12 de Novembru apela ba Parpol atu labele utiliza naran simbulu loriku ba interese partidariu no interese sira seluk,” dehan eis Sekretariu Jeral Komite 12 de Novembru Justino de Jesus iha selebrasaun loron masakre Santa Cruz ba dala 26, iha Semiteru Santa Cruz, Domingu (12/11/2017).

Nia haktuir, loriku sai simbulu ba Joventude sira ne’ebe uluk sakrifika an terus, mate dadur hodi hakilar ba ukun rasik an Timor – Leste nian.

Preokupasaun ne’ebe mak Sobrevivente hirak ne’e hato’o relasiona ho parpol balun durante ne’e utiliza simbulu loriku iha sira nia partidu hodi halo kampana iha Eleisaun Parlamentar foin lalais ne’e.

Alende ne’e sira husu mos ba Governu Indonezia atu hatudu rate ne’ebe mak durante ne’e sira hakoi ema hirak ne’ebe mak mate iha akontesimentu masakre Santa Cruz.

“Liu husi kongresu ami nian ne’ebe mak foin halo iha loron hirak liu ba, husu nafatin ba governu Timor – Leste atu husu nafatin ba governu Jakarta hodi hatudu lalais fatin ne’ebe durante ne’e sira hakoi aswain hirak ne’ebe mate nia ruin,”  sira husu.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here