Home nasional Hametin Plataforma AMP, PLP Halao Konferensia

Hametin Plataforma AMP, PLP Halao Konferensia

32
0
SHARE
Estrutura PLP no CNRT sai foto hamutuk ho Prezidente PLP Taur Matan Ruak husi klaran tau faru mean kahur ho mutin husi liman los sekretario jeral CNRT Fancisco Kalbuadi Lay no sorin liman los Konselleru masimu KHUNTO Jose Naimori ne'ebe kaer liman metin. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Partidu Libertasaun Popular (PLP) halo konferensia Nasional ne’ebe realiza iha Hotel Novu Turismo Dili hodi hametein plataforma Aliansa Maioria Parlamentar ne’ebe koliga husi partidu 3, CNRT, PLP no KHUNTO.

Lideransa nain tolu husi CNRT, PLP KHUNTO kaer liman hamutuk hafoin remata konferensia nasional PLP nian iha Hotel Novu Turismo Dili. Photo: TTN/Hortencio Sanches

Konferensia ne’ebe halo partisipa husi estrutura PLP husi munisipiu, kuadru nasional no marka prezensa mos husi lideransa Partidu CNRT Sekretariu Jeral Francisco Kalbuadi Lay, membru CPN-CDN partidu CNRT nian no Konselleru Superior KHUNTO Jose Naimori.

Prezidente PLP Taur Matan Ruak esplika, konferensia ne’ebe halo, objetivu atu hametin plataforma AMP ne’ebe, durante ne’e asina ona entre partidu 3 iha fulan kotuk.

“Konferensia ne’ebe mak ohin PLP halo nia objetivu ida deit oinsa atu hametin liu tan ita nia plataforma AMP nian ne’ebe durante ne’e ita asina ona,” dehan Taur iha nia intervensaun ba konferensista sira, Sabadu (11/11/2017).

Nia haktuir durante ne’e, PLP halo servisu ne’ebe mak bo’ot tebes, tanba uluk PLP hanoin atu hela iha opozisaun, maibe la konsege tanba hetan karta husi partidu mais votadu FRETILIN atu forma governu, maibe la konsege nune’e agora daudaun hamutuk fila fali ho partidu CNRT no KHUNTO hodi forma AMP nune’e bainhira VII Governu falla sira bele asegura.

“PLP partidu ida ne’ebe foun no partidu ida ne’ebe ki’ik, maibe hakarak mos atu fo kontribuisaun ba dezenvolvimentu nasaun nian, tanba ne’e durante fulan hirak nia laran PLP halo ezersisiu bo’ot ida hodi buka dalan oinsa mak ita nia partidu atu sai ultimo foun ida hodi halo dezenvolvimentu ba ita nia nasaun,” dehan Taur.

Lideransa masimu husi partidu CNRT Kay Rala Xanana Gusmao hakuak malu ho lider masimu PLP Taur Matan Ruak. Photo: Google.com

Iha konferensia ne’e, Sekretariu Jeral partidu CNRT, Francisco Kalbuadi Lay hato’o mensazen Prezidente Partidu CNRT Kay Rala Xanana Gusmao nian ba Partidu Libertasaun Popular (PLP) liu-liu nia alin prezidente partidu Taur Matan Ruak.

“Hau durante ne’e, iha oportunidade duni hodi kontaktu ho maun Bo’ot, nia konsege hato’o duni nia hakuak bo’ot ba ita bo’ot sira hotu liu-liu ba nia alin doben maun Taur Matan Ruak,” dehan Kalbuadi.

Lideransa CNRT ne’e afirma, AMP mosu hanesan distinu, maki partidu tolu mak hamahan an iha laran maibe liu husi konferensia partidu 3 ne’e sai ida deit ne’ebe lideransa bo’ot lidera husi Kay Rala Xanana Gusmao no Taur Matan Ruak.

Objetivu husi AMP nian atu garantia governasaun ida ne’ebe forte nune’e bele lori dezenvolvimentu ida ne’ebe diak ba povu no nasaun nia moris.

Iha eleisaun parlamentar 22 Jullu 2017, PLP hetan kadeira 8. Sura hamutuk ho CNRT ne’ebe ho kadeira 22 no Partidu KHUNTO ho kadeira 5, partidu tolu ne’e iha forsa politika maioria iha parlamentu nasional.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here