Home nasional Assanami: PD La Hakiduk no Nafatin ho FRETILIN

Assanami: PD La Hakiduk no Nafatin ho FRETILIN

41
0
SHARE
Mariano Assanami Sabino. Photo: TTN/Evangelisto Santos

By: Fidelio RAMOS

THETIMOR-NEWS.com, DILI – Presidenti Partidu Demokratiku (PD), Mariano Assanami Sabino hatete, PD kontinua la’o nafatin ho partidu Frenti Revolucionario Timor-Leste Independente (FRETILIN) iha VII Governu Konstitusional maski la hetan maioria Parlamentar.

Assanami deklara lia hirak ne’e ba Jornalista sira hafoin remata inkontru alargada ho militantes kuadru partidu PD iha salaun Santa Madalena Canossa Becora Dili, Sabadu (11/11/2017).

Iha sorumutu alargada ne’e ho nia tema atu konsolida partidu hametin demokrasia iha Timor-Leste,  partisipa husi kuadru partidu PD tomak hahu baze to’o nasional.

“PD lahakiduk no la’o nafatin deit ho FRETILIN iha VII Governu Kontituisional,” deklara Assanami.

Tanba ne’e  PD  hakarak alerta  ba povu tomak katak PD mak imi oan, tanba  PD hari atu hatutan deit heroi FALINTIL  ne’ebe sei moris  hanesan  Lu-Olo, Mari Alkatiri,  Xanana, Taur, Lere, no luta nain ne’ebe mate ona hanesan Nicolau Lobato, Nino Konis Santana.

“Ami nia lealidade no loialidade ba heroi funu nain sira mak ami nia lalatak, tanba ami  kaer metin nafatin prinsipiu firmi,” dehan Assanami.

Nia hatete, husu Prezidenti Republika (PR) Francisco Guterres Lu-Olo atu kontinua promove dialogu hodi lider hotu tenki partisipa duni ho honestu ho laran nune’e bele tau  interese povu no nasaun.

“Ami prontu atu partisipa iha dialogu, tanba maubere aman sira foin mak fo kadeira 7 oan  deit, maibe sempre prepara-an hodi servi, tanba laiha inkondisaun ba estabilidade atu governasaun ida ne’e ba oin hodi servi rai ne’e,” dehan ema numeru ida iha PD.

Nudar lideransa masimu iha partidu ne’e, Assanami desmente ho informasaun iha media social katak PD nakfera ona ba kubu rua.

“PD laiha kubu 2 ka 3, maibe ida det,” dehan Assanami.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here